A̱byin A̱na̱mba̱ra

Maba̱ta̱do

Ca̱crak

Fantswam

Gworog

Sholyia̱

Ta̱kad

Tuku

Á̱ lyuut ati̱kut wuni di̱n Tyap Maba̱ta̱do ja (Maba̱ta̱do)

A̱byin A̱na̱mba̱ra

a̱byin badundung Naijeriya

Kpaat	3 Zwat Sweang 1976
A̱lyoot da̱nian	A̱ghyui A̱na̱mba̱ra
A̱lyem a̱gwomna̱ti	A̱kum-a̱cyi, Shong
Tsung-a̱byin	Afi̱rika
A̱byin	Naijeriya
A̱cyian	Oka
Shyia̱ di̱ fam tyok a̱byin	Naijeriya
Shyia̱ di̱ fam jen	UTC+01:00
A̱vwuo	Naijeriya
Coordinate location	6°20′0″N 7°0′0″E
Ofit wu nang a̱kwak a̱son a̱gwomna̱ti wu ba̱ng a̱ni	Gwomna A̱byin A̱na̱mba̱ra
A̱kwak a̱son a̱gwomna̱ti	Charles Chukwuma Soludo
Sa a̱pyia̱ a̱gwomna̱ti	Anambra State Executive Council
Sa kpa cam a̱byin	Ụlọ Nzukọ nke Anambra Steeti
Byia̱ (a̱gi̱)gak ma̱ng	A̱byin Kogi, A̱byin Inugu, A̱byin Imo, A̱byin Rivat, A̱byin Da̱li̱ta
Ci̱t	A̱byin A̱tyin A̱ka̱wa̱tyia̱
A̱lyem á̱ nyian ta̱m ma̱ng a̱nka	A̱kum-a̱cyi
Zwunzwuo-a̱muup	420001
Official website	https://anambrastate.gov.ng/
Sa mat tá̱si̱la	Sa:Tá̱si̱la A̱byin A̱na̱mba̱ra

 

 Neet mi̱ Wukideita

A̱byin A̱na̱mba̱ra (A̱kum-a̱cyi: Alaọha Anambra; Fa̱k) yet a a̱byin badundung kya di̱ fam A̱tak-A̱tyin Naijeriya ka̱ byia̱ gak ma̱ngby Da̱li̱ta di̱ fam jenshyung hu, Imo ma̱ng Rivat di̱ fam a̱tak hu, Inugu di̱ fam a̱tyin hu ma̱ng Kogi di̱ fam a̱za hu. A̱keang Oka kya yet a̱cyian a̱byin ka ma̱nang A̱ni̱ca wa si̱ yet a̱gba̱ndang a̱keang wu ma̱ng shi á̱niet.

Á̱ ku ci̱t a̱lyoot a̱byin kikya neet ma̱ a̱si̱ A̱byin A̱na̱mba̱ra a̱lyen ka, fam hu á̱ ku ka̱u á̱ si̱ shyia̱ bibyin Inugu, A̱na̱mba̱ra, ma̱ng nkap A̱bonyi a̱fwun a̱ni. Á̱ kpaat a̱khwukhwop A̱byin A̱na̱mba̱ra wu ma̱ a̱lyia̱ 1976 kya neet mi̱ A̱byin A̱tyin-A̱ka̱wa̱tyia̱ gbangbang ka. A̱lyoot ka neet ma̱ A̱ghyui Omambala kikya, a̱ghyui a̱ghyang ka̱ kpa̱ra̱m a̱ sweap a̱byin ka a̱ni. A̱lyoot Omambala kikya A̱shong ba si̱ bwuak ka̱ si̱ yet "A̱na̱mba̱ra" a̱ni. A̱cyian a̱byin kikya yet Oka. A̱keang A̱ni̱ca, a̱keang a̱na̱nwuai a̱ghyui ka̱ byia̱ nkhang a̱ni neet di̱n jen ta̱wap-a̱byin A̱bi̱ri̱ti̱n ji, si̱ ya a̱son di̱ yet a̱tsatsak a̱cyian kaswuo ma̱ a̱byin ka, ma̱nang Nnewi si̱ yet feang hu di̱ shi yaan kaswuo hu ku si̱ bu a̱gba̱ndang a̱vwuo jhyi nkyang nfai meang.

A̱lyoot tam A̱byin A̱na̱mba̱ra kikya yet "Sai A̱byin hu," a̱wot kikya si̱ yet swak ma̱ng a̱naai hu ma̱ng shi á̱niet mi̱ Naijeriya, shimba á̱ghyang á̱niet ku ya fwuang ba̱t nyia̱ A̱ni̱ca, Africapolis ku ta̱taat nyia̱ a̱keang ka̱ shi a̱ swak kuzang ka ma̱ a̱byin ka mi̱ shi kyai a̱byin mbeang shi á̱niet shyia̱ ma̱ng á̱niet milyon 8.5 ma̱ng kyang tazwa ma̱ a̱lyia̱ 2022, a̱wot si̱ a̱hwa si̱ tyia̱ A̱ni̱ca si̱ yet a̱vwuo a̱nyiung ma̱ a̱ka̱vwuo na̱ yet a̱ca̱cet a̱ni mi̱ Naijeriya di̱n vak shi á̱niet. A̱vwuo ka nang á̱ lyen a̱fwun nang A̱byin A̱na̱mba̱ra a̱ni ku yet a̱ta̱bat tat-a̱ghyi ma̱ a̱di̱di̱t bya neet mi̱ kyang ku na lat ndyia̱ 800 ndbK na bah, nang A̱byintyok Nri gbangbang ka, nang a̱cyian kikya yet a̱keang nkhang Igbo-Ukwu ka ma̱ a̱byin ka a̱ja. A̱lyiak á̱niet-swat a̱byin A̱na̱mba̱ra ba yet A̱kum-a̱cyi kya, a̱wot a̱lyem A̱kum-a̱cyi kikya si̱ yet a̱lyem tai a̱byin ka.

Di̱n jen Zwang Ojukwu ji (1967–1970), A̱byin A̱na̱mba̱ra ku yet kap a̱byin-tyat kikya nang á̱ ku ngyei Ga̱maá̱niet Byafi̱ra a̱ni nang á̱niet a̱guguut a̱byin A̱kum-a̱cyi bibya ku kpaat a̱ni. A̱na̱mba̱ra ku swuoa̱bung ba̱t mat zwang a̱ja. A̱fwun ka, A̱byin A̱na̱mba̱ra yet a̱nyiung mami bibyin badundung Naijeriya nang á̱niet swan a̱ka̱keang a̱ swak a̱ni.