A̱byin Imo

Maba̱ta̱do

Ca̱crak

Fantswam

Gworog

Sholyia̱

Ta̱kad

Tuku

Á̱ lyuut ati̱kut wuni di̱n Tyap Maba̱ta̱do ja (Maba̱ta̱do)

A̱byin Imo

a̱byin badundung Naijeriya

Kpaat	3 Zwat Sweang 1976
A̱lyoot da̱nian	Imo River
A̱lyem a̱gwomna̱ti	Shong
Tsung-a̱byin	Afi̱rika
A̱byin	Naijeriya
A̱cyian	Owerri
Shyia̱ di̱ fam tyok a̱byin	Naijeriya
Shyia̱ di̱ fam jen	UTC+01:00
Coordinate location	5°29′0″N 7°2′0″E
Ofit wu nang a̱kwak a̱son a̱gwomna̱ti wu ba̱ng a̱ni	Governor of Imo State
A̱kwak a̱son a̱gwomna̱ti	Hope Uzodimma
Sa a̱pyia̱ a̱gwomna̱ti	Executive Council of Imo State
Sa kpa cam a̱byin	Imo State House of Assembly
Byia̱ (a̱gi̱)gak ma̱ng	A̱byin A̱na̱mba̱ra, A̱byin Abya, A̱byin Rivat
Ci̱t	A̱byin A̱tyin A̱ka̱wa̱tyia̱
A̱lyem á̱ nyian ta̱m ma̱ng a̱nka	A̱kum-a̱cyi
Zwunzwuo-a̱muup	460001
Official website	https://www.imostate.gov.ng/

 

 Neet mi̱ Wukideita

A̱byin Imo (A̱kum-a̱cyi: Alaọha Imo) yet a̱byin badundung kya di̱ fam A̱tak-A̱tyin Naijeriya hu, ka̱ si̱ byia̱ gak di̱ fam a̱za hu ma̱ng A̱byin A̱na̱mba̱ra, di̱ nfam jenshyung ma̱ng a̱tak na ma̱ng A̱byin Rivat, a̱wot di̱ fam a̱tyin hu ma̱ng A̱byin Abya. Á̱ ku shyia̱ a̱lyoot nka neet ma̱ A̱ghyui Imo kikya ka̱ kpa̱ra̱p a̱ swak a̱byin ka di̱ gak fam a̱tyin a̱byin hu. A̱cyian a̱byin ka, kikya yet a̱keang A̱were a̱wot a̱laseap A̱byin wu wa yet "A̱byin A̱lyia̱ Fam A̱tyin" ka.

Mami bibyin badundung 36 hu mi̱ Naijeriya, Imo wa yet a̱tat wu di̱ yet a̱di̱dei mi̱ shi kyai a̱byin, a̱wot a̱ si̱ yet swak ma̱ng a̱naai mi̱ shi á̱niet, ma̱ng á̱niet á̱ tyan ba̱ na bai milyon 5.4 ma̱ng kyang ma̱ a̱lyia̱ 2022. Di̱ fam lyennkhang-a̱byin, a̱byin ka shyia̱ di̱ ka̱u nkap nfeang nia tsi̱tsak susop a̱ni̱nian Da̱li̱ta Naija ji di̱ fam a̱tyin hu ka̱ya̱u ma̱ng susop byiek Ki̱rosi̱riva-Naija ji di̱ nfam jhyang a̱byin na. Za̱kwá lyennkhang-a̱byin jhyang nang á̱ maai a̱ li ma̱ a̱byin jija a̱ka̱ghyui ma̱ng a̱ca̱cet jujok nang A̱ghyui A̱wubana, A̱ghyui Imo, A̱ghyui Orashi, mbeang A̱ghyui Otamiri, á̱ bu si̱ mbyia̱ A̱gba̱ndang Jok Oguta wu di̱ fam jenshyung A̱byin Imo hu.

Tungzwa a̱byin Imo hu ni̱ ta̱yuk gba̱mgbam da̱ kpangti̱n a̱byinkhap ja, ma̱nang nyian a̱myia̱-nkwan, na̱ yet kyang hu nang a̱lyiak mman-a̱byin na ta̱yuk da̱ a̱ni ma̱ a̱weang. A̱tsatsak a̱di̱dei sot-nta̱m a̱ghyang wa yet ghwut ma̱ng hya̱u-a̱fang mbeang a̱za̱za̱rak gat neet ma̱ a̱byin, ma̱nang di̱ nfam a̱za ma̱ng jenshyung Imo na.