A̱byin Yobe

Maba̱ta̱do

Ca̱crak

Fantswam

Gworog

Sholyia̱

Ta̱kad

Tuku

Á̱ lyuut ati̱kut wuni di̱n Tyap Maba̱ta̱do ja (Maba̱ta̱do)

A̱byin Yobe

a̱byin badundung Naijeriya

Kpaat	27 Zwat A̱ni̱nai 1991
A̱lyoot da̱nian	Yobe River
A̱lyem a̱gwomna̱ti	Shong
Tsung-a̱byin	Afi̱rika
A̱byin	Naijeriya
A̱cyian	Damanturu
Shyia̱ di̱ fam tyok a̱byin	Naijeriya
Shyia̱ di̱ fam jen	UTC+01:00
Shyia̱ mami ku kpa̱mkpaan vam a̱sa̱khwot	Yobe River
Coordinate location	12°0′0″N 11°30′0″E
Ofit wu nang a̱kwak a̱son a̱gwomna̱ti wu ba̱ng a̱ni	Governor of Yobe State
A̱kwak a̱son a̱gwomna̱ti	Mai Mala Buni
Sa a̱pyia̱ a̱gwomna̱ti	executive council of Yobe State
Sa kpa cam a̱byin	Yobe State House of Assembly
Ci̱t	Si̱tet Ba̱ri̱no
Zwunzwuo-a̱muup	https://postcode.com.ng/fika-postal-or-zip-codes-yobe-state/
Official website	https://yobestate.gov.ng/

 

 Neet mi̱ Wukideita

A̱byin Yobe (Fa̱k) yet a̱byin badundung kya di̱ fam a̱za-a̱tyin Naijeriya hu. A̱gba̱ndang a̱vwuo khap wa a̱byin ka yet, a̱wot á̱ ku kpaat nka ma̱ a̱tuk mam 27 kya mi̱n Zwat A̱ni̱nai a̱lyia̱ 1991. A̱byin Yobe ku ghwut neet ma̱ A̱byin Ba̱ri̱no kya. A̱cyian a̱byin kikya yet Damanturu, a̱wot a̱keang nka ka ka̱ swak ma̱ng shi á̱niet a̱ni kya yet Potisi̱kum, ma̱nang a̱keang ka ka̱ swak ma̱ng shi kyai a̱ni kikya si̱ yet Fune. Sot a̱gwomna̱ti mali Potisi̱kum yet a̱vwuo kya nang á̱ shyiat á̱nietkhap ma̱ng á̱nietkaswuo; a̱wot jhyiung mami káswuo nyák ji̱ byia̱ shi a̱ swak mami Afi̱rika a̱mgba̱m si̱ shyia̱ a̱keang Potisi̱kum.

Lyennkhang-a̱byin

A̱byin ka byia̱ a̱gi̱gak ma̱ng bibyin badundung naai hwa: Ba̱uci, Ba̱ri̱no, Gwombe, ma̱ng Ji̱gawa. A̱byin Yobe byia̱ gak ku bai kpa̱mkpaan ma̱ng km 421 ma̱ng Ba̱ri̱no di̱ fam a̱tyin hu, kpa̱mkpaan ma̱ng km 140 (da̱ a̱beam A̱ghyui Gonggola ka) ma̱ng Gwombe di̱ fam a̱tak hu, kpa̱mkpaan ma̱ng km 188 (met 117) ma̱ng Ba̱uci mbeang Ji̱gawa kpa̱mkpaan ma̱ng km 193 (met 120) di̱ fam jenshyung hu ma̱ng kpa̱mkpaan ma̱ng km 352 ma̱ Ga̱maá̱niet Ni̱njat di̱ fam a̱za hu. A̱byin Yobe byia̱ a̱gi̱gak di̱ fam a̱za hu ma̱ng Nfam Ni̱njat nang Di̱fa mbeang Zi̱nda̱t. Ma̱nang a̱byin ka shyia̱ ma̱ a̱khwot fam kyai á̱kwop ma̱ng á̱ga̱fi̱p wu wa, a̱vwuo ka ni̱ fi̱ri̱m a̱wot wun hu ku ni̱ swan khwot ma̱ a̱lyiak a̱lyia̱ ka, kang ma̱ng fam a̱tak a̱byin hu nang á̱ shyiat za a̱ swak a̱ni.

Khwong A̱ghyui Ngguru ma̱ A̱byin Yobe