A̱byintyok A̱tyap

Maba̱ta̱do

Fantswam

Gworog

Sholyia̱

Takad

Tyeca̱rak

Tyuku

Á̱ lyuut ati̱kut wuni di̱n Tyap Maba̱ta̱do ja (Maba̱ta̱do)

A̱byintyok A̱tyap

state

A̱byin	Naijeriya
A̱keangtung	Á̱nietcen A̱fakan
Shyia̱ di̱ fam tyok a̱byin	Si̱tet Ka̱duna
Coordinate location	9°49′0″N 8°22′0″E
A̱kwak a̱son a̱byin	Dominic Gambo Yahaya
A̱lyem á̱ nyian ta̱m ma̱ng a̱nka	Tyap

A̱byintyok A̱tyap yet a̱ka̱ka̱rak a̱byin Naijeriya wa a̱si̱ A̱tyap ba ba̱ swan a̱niak fam a̱za A̱ghyui Ka̱duna wu di̱ tsok a̱ka̱wa̱tyia̱ Naijeriya ji di̱ fam a̱byin Fam A̱tyia̱ka̱u Naijeriya hu. Tyantung ji shyia̱ A̱tak Njei, Nietcen A̱fakan, a̱tak Si̱tet Ka̱duna, Naijeriya.

Nkhang

Á̱ ku kpaat A̱byintyok A̱tyap ka ma̰ a̱lyia̱ 1995 kya. Ma̱ a̱lyia̱ 2007, ka̱ si̱ shyia̱ yet "First class".

A̱gwomna̱ti

Komiti Taada A̱tyap (Shong: Atyap Traditional Council) ja tyong nkyang ma̱ A̱byintyok A̱tyap ka, a̱wot A̱gwatyap wa si̱ yet a̱pyia̱ ka.

Nfam a̱byintyok na

Nfamtyok na

Á̱nietnta̱m Á̱lyiat A̱gwomna̱ti Mali Si̱tet Ka̱duna ba ku nwuak la̱mba Nfamtyok Na̱ Nshyia̱ nang 16, Nfamtyok Nang Á̱ Shim Ma̱ng Á̱na a̱ni nang a̱fwuon a mbeang Mkpa̱m A̱baka̱keang Nang Á̱ Shim Ma̱ng Á̱na a̱ni nang 61.

Nfamtyok A̱byintyok A̱tyap

Á̱si̱ nani nia yet nfamtyok na, kyiak neet ma̱ a̱lyia̱ 1995 ba̱ng si̱ nat 2017:

La̱mba Lang	A̱tsak a̱lyoot nTyap	A̱lyoot nta Kpat
1	A̱bwuiyap	Ungwar Rohogo
2	Nietcen A̱fakan	Zangon Urban
3	A̱shong A̱shyui	Jankasa
4	Bafoi Kanai	Gora Bafai
5	Cen A̱koo; Zama A̠won mameang
6	Gan Ka̠nai	Gora Gan
7	A̱tak Njei (A̱batyok A̱tung Tyok)	Ungwar Gaiya
8	Kanai Mali; A̠tsuung A̠byek mameang	Gora Gida
9	Makomurum	Kibori
10	A̱mancong	Magadan Wuka
11	Mazaki	Gidan Zaki
12	Ma̱nyii A̱ghyui	Kigudu
13	Sop A̱koo	Mabushi Kataf
14	Shilyam, Kwakhwu mameang
15	A̠takligan (Taligan), A̠ga̠mi mameang	Magamiya
16	Zonzon	Zonzon Gora

Da̱ a̱kwonu a̱kya, á̱si̱ nani nia si̱ yet Nfamtyok Nang A̱gwomna̱ti Ba Shim Ma̱ng Á̱na a̱ni mi̱ di̱ yong huni kyiak neet da̱ a̱lyia̱ 2017 ba̱ng si̱ nat, nang á̱ bu si̱ ntyap-a̱byin mbwak gwomna Si̱tet Ka̱duna wu di̱ yong huni, Nasir Elrufai a̱ni, a̱nyan wa á̱ ku nyia̱ a̱bwonu Premium Times, Nigeria nyia̱ komiti ji nang á̱ kpaat mat a̱lyiat nyia̱ tyok famtyok si̱tet ji ka̱n tyak a̱lyiat na ji̱ si̱ kin tak nyia̱ a̱tai hyaat la̱mba a̱bantyok nang á̱ ku nyia̱ gbangbang a̱ni neet di̱n jen a̱zaghyi a̱lyia̱ 2001 ji ku mban kpa̱p kurum hu a̱za̱nghwang Komití A̱gwomna̱ti Mali ji ku si̱ ba̱ khat mba kyiak. Mat a̱nia wa, á̱ si̱si̱ nghyuai nna á̱ sak ma̱ng si̱sak nang na̱ za̱ ma ndi a̱ni di̱n jen lyilyim a̱lyia̱ 2001 ji. Di ni̱nia na:

La̱mba Lang	A̱tsak a̱lyoot nTyap	A̱lyoot nta Kpat
1	Nietcen-A̱fakan	Zangon Urban
2	Jei (A̱batyok A̱tung Tyok)	Ungwar Gaiya
3	Kanai	Gora
4	Zonzon	Zonzon Gora

A̱cyia̱

A̱cyia̱ A̱byintyok A̱tyap ka, kikya yet A̱tak Njei, a̱jawa Magwatyap ka nshyia̱.

Mi̱ mmam nanii, khwom nshyia̱ fwuo a̱gwomna̱ti Si̱tet Ka̱duna ba nang Nasir el-Rufai nkwak a̱son a̱ni ba̱ lyip yihwa mbyia̱ nang ma a̱gwam wu swan da̱ a̱vwuo ka nang ka̱ shyia̱ di̱ swat a̱ni di̱ fam a̱hwa di̱ nta a̱keang Zangon Kataf ka (Tyap: Nietcen-A̱fakan) nang A̱kpat-A̱fa̱taa-Á̱niet A̱tyin ba nhyat tyentyiang a̱ni, khwom hwa nang Atyap Community Development Association - ACDA wu (Sot Yaa̱son A̱tyap - SYA̱ ji) si̱ yong di̱ nyia̱ fi̱p mi̱ cet.

Tyok

A̱ka̱sa tyok

Tyok A̱tyap byia̱ a̱ka̱sa tyok a̱naai nang á̱ ka̱u ca̱caat ma̱ng kwaí nyaai A̱tyap ji. Di ni̱nia na:

La̱mba Lang	Kwai	A̱bakwai
1	A̱gbaat	• A̱kpaisa • Jei • A̱kwak
2	A̱minyam	• A̱fakan • A̱son
3	A̱ku
4	A̱shokwa

Á̱nietba̱ngtyok

Á̱ ngyei á̱niet ba̱ nyia̱ tyok ba di̱ Tyok A̱tyap hu A̱gwatyap.

Bwoi a̱lyoot á̱nietba̱ngtyok A̱tyap hu

Swang a̱lyiat ji neet swáng a̱lyiat Tyap sweang jini ja: a̱gwam ma̱ng A̱tyap (A̱tyap bya ba) a̱wot ji̱ si̱ fa "a̱tyutyok A̱tyap ba".

Lyulyoot á̱nietba̱ngtyok

Lyulyoot á̱nietba̱ngtyok hu kyiak neet a̱lyia̱ 1995 ba̱ng si̱ tat a̱fwun huhwa yet:

Tsa	Ngaan	A̱tyuba̱ngtyok
1995	2005	A̱tyushityok A̠gwam Ba̠la A̠de Da̠ukee (JP), A̱gwatyap I
2005	Zwat nyaai 6, 2016	A̱tyushityok A̱gwam Dr. Harrison Isuu Bunggwon (FNSE), A̠gwatyap II
Zwat swak ma̱ng jhyiung 12, 2016	Mam a̱fwun	A̱tyushityok A̱gwam Dominic Ga̱mbo Yahaya (KSM), A̱gwatyap III

Bu nwuan

• Khwi A̱bwoi
• Song A̱yet A̱tyap
• A̱tak Ka̱duna
• Jhyá̱ Zangon Kataf 1992

A̱ka̱fwuop nta

Media related to A̱byintyok A̱tyap at Wikimedia Commons