A̱kpangtyok Yuki̱ren

Maba̱ta̱do

Fantswam

Gworog

Sholyia̱

Takad

Tyeca̱rak

Tyuku

Á̱ lyuut ati̱kut wuni di̱n Tyap Maba̱ta̱do ja (Maba̱ta̱do)

A̱kpangtyok Yuki̱ren

national flag

Kpaat	28 Zwat Jhyiung 1992
A̱byin	Yuki̱ren
Applies to jurisdiction	Yuki̱ren
Genre	horizontal bicolor flag
A̱byin neet	Yuki̱ren
Aspect ratio (W:H)	3:2
A̱sa̱khwot	blue, yellow
Depicts	field
Tyiang a̱toot shi	Q117488646
Nta̱m	national colours of Ukraine
Zwunzwuo Unicode	🇺🇦

A̱kpangtyok a̱byin Yuki̱ren ka (Державний прапор України, uk) byia̱ a̱junjung lang gu ka̱u nka di̱ nkap nfeakng ma̱ ca̱caat, kyiak neet mi̱ bwak-myian naat mi̱ bwak-yak a̱wot fam a̱tak hu si̱ yet bagina ma̱nang fam a̱za hu si̱ yet a̱sa̱khwot bula.

Á̱ ku tsa li a̱kpangtyok á̱sa̱khwot bula ma̱ng bagina kani di̱n jen Tyeizat 1848 hu hwa ma̱ a̱keang Lemberg (Lḭvip), a̱keangtung A̱byintyok Galishya ma̱ng Lodomeriya mami A̱byintyokshan A̱ti̱riya ka. Ka̱ si̱ labeang bah, Ri̱pobi̱lik Á̱niet Yuki̱ren wu gu nwai labeang a̱ni sii du ci̱t nka ka̱ si̱ yet mba a̱kpangtyok a̱byin, a̱wot Ri̱pobi̱lik Á̱niet Yuki̱ren Jenshyung wu, ma̱ng Si̱tet Yuki̱ren ji a̱mgba̱m nyia̱ ta̱m ma̱ng a̱nka lilyim Tyeizat Roshya hu.

Mi̱ Zwat Tsat a̱lyia̱ 1939, a̱byin Ka̱ri̱pato-Yuki̱ren ka bu nyia̱ ta̱m ma̱ng a̱nka. Da̱ a̱kwonu a̱kya, jen ji nang Yuki̱ren ku yet kap Muna̱pyia̱ Soviyet hu a̱ni, á̱ ku nvwuong nyian ta̱m ma̱ng a̱kpangtyok á̱sa̱khwot a̱feang kani, ma á̱ si̱ shai nka ma̱ng a̱kpangtyok Ri̱pobi̱lik Soshyalit Soviyet Yuki̱ren kikya. A̱kpangtyok kani ku yet a̱shong wa di̱ fam a̱za hu, ma̱ng a̱sa̱khwot kyai tswazwa a̱tatak a̱wot á̱ si̱ mbyia̱ a̱kpang bagina mbeang a̱la̱ujhyi, dundung ma̱ng a̱ahong a̱ta̱ngwat gu byia̱ gak a̱na-a̱shong a̱ni á̱ tyia̱ tazwa a̱kpangtyok ka. Jen ji nang á̱ kam Muna̱pyia̱ Soviyet hu ma̱ a̱lyia̱ 1991, ma̱ shonshyon ma̱ shonshyon, á̱ si̱ ta̱bat bwuok ma̱ng a̱kpangtyok á̱sa̱khwot a̱feang ka a̱wot A̱likpacam Yuki̱ren ka sii du san nka mbwak nfeang nang a̱kpangtyok a̱gwomna̱ti a̱tuk mam 28 Zwat Jhyiung a̱lyia̱ 1992.

A̱byin Yuki̱ren si̱ ta̱bat song A̱tuk A̱kpantyok A̱byin ka neet ma̱ a̱tuk mam 23 Zwat A̱ni̱nai a̱lyia̱ 2004.

Kpa a̱sa̱khwot kyai tswazwa hu nang á̱ ku nyia̱ ta̱m ma̱ng a̱nhu kyiak neet ma̱ a̱lyia̱ 1917 naat ma̱ a̱lyia̱ 1921 a̱wot á̱ sii bu bwuok ndyo ma̱ a̱lyia̱ 1992; á̱ ni̱ nnyia̱ ta̱m ma̱ng a̱nhu da̱ a̱ka̱vwuo ma̱ a̱di̱di̱t kpa̱mkpaan ma̱ng si̱ ku li duduu a̱ lan hu nang á̱ nyia̱ ta̱m ma̱ng a̱nhu di̱ yong huni namg á̱ bai ndyo ma̱ a̱lyia̱ 2006 a̱ni.