A̱li̱mangga̱shi
|
Á̱ lyuut ati̱kut wuni di̱n Tyap Maba̱ta̱do ja (Maba̱ta̱do) |
| Tafa | hand tool, cutting tool, long and narrow object  |
|---|---|
| Made from material | plastic, steel |
| MCN code | 8213.00.00 |
| Zwunzwuo Unicode | ✁, ✂, ✃, ✄ |
A̱li̱mangga̱shi [ə̀lɨ̀máŋɡə́ʃi] wu (á̱kpa: a̱yaali̱mangga̱shi ba) yet kyangta̱m mbwak hwa nang á̱ nfak nkyang ma̱ng a̱nggu a̱ni. A̱ byia̱ a̱ka̱baai a̱feang nang nunu nna ku li sha̱shet ku si̱ ya a̱ni ni̱ team ma̱ng a̱ghyang a̱wot ku sweap a̱pyia̱ nhu ka̱nang á̱ si̱ ta̱shuk mbwak na di̱ fam a̱ma̱nyi a̱ga̱sat a̱ka̱baai wu a̱ si̱ nyim, si̱ a̱hwa si̱ maai tyia̱ kyang ku shyia̱ tsi̱tsak a̱ka̱baai na ku faat. Á̱ nyian ta̱m ma̱ng a̱li̱mangga̱shi á̱ fak a̱tatai nkyang nang pepa, pepa-kabot, wat-ntswam, a̱toot, a̱ywan, ma̱ng a̱ywan ndong. Shimba á̱ mbyia̱ ntangka̱i a̱li̱mangga̱shi ma̱ a̱di̱di̱t, kuzang hu byia̱ ta̱m ma̱ng si̱sak nang ku li a̱ni.
Ma̱nang a̱mgba̱m a̱yaali̱mangga̱shi ni̱ khwi a̱di̱dam ta̱m a̱nyiung a̱ni, a̱ca̱cet a̱yaali̱mangga̱shi nang á̱ nyian a̱dodoo nta̱m ma̱ng a̱mba a̱ni nshyia̱ nang á̱ fak nkyang na̱ li jejeet a̱ni, nang a̱si̱ wu nang á̱ fak nkyangtang-a̱byin a̱ni. Á̱ si̱ maai kwat pyia̱ ma̱ng nggu a̱li̱mangga̱shi; a̱wot, a̱si̱ a̱wa, á̱ bu si̱ ngyei a̱ya̱shuk-kwat. Kuzang a̱li̱ma̱ngga̱shi ma̱ng cet kyang hu a̱ maai faat a̱ni. Á̱ bu mbyia̱ a̱li̱mangga̱shi tutuweang, nang á̱ ni̱ fak ku á̱ sham nkyayak na̱ li jejeet a̱ni, nang nam, a̱ci̱ci̱p, ma̱ng nkungkup. Á̱ si̱ mbyia̱ a̱li̱mangga̱shi mabwok-á̱niet ma̱ng mabwok-nyam, nang á̱ fak kwa vam a̱yin ku nyam á̱ nyia̱ nggu ku nji ta̱m mi̱ vam a̱ni.
Bu nwuan
[jhyuk | jhyuk a̱tyin ka]A̱ya̱fang
[jhyuk | jhyuk a̱tyin ka]A̱ka̱fwuop-nta
[jhyuk | jhyuk a̱tyin ka]
a̱li̱mangga̱shi mi̱ Swánga̱lyiatwuki, a̱gban swáng a̱lyiat ma̱sa̱t wu.