A̱man

Maba̱ta̱do

Ca̱crak

Fantswam

Gworog

Sholyia̱

Ta̱kad

Tuku

Á̱ lyuut ati̱kut wuni di̱n Tyap Maba̱ta̱do ja (Maba̱ta̱do)

a̱man

taxon, organisms known by a particular common name

Tafa	Vertebrata
Taxon name	Aves
Taxon rank	class
Parent taxon	Ornithurae
Temporal range start	Late Jurassic
This taxon is source of	egg as food, feather, nam, bird faeces, bird skin
Á̱ fang ma̱	ornithology
Hashtag	birds, bird, birb
Code of nomenclature	International Code of Zoological Nomenclature
Nta̱m	bird flight, bird food, broodiness
Mode of reproduction	oviparity
Produced sound	bird vocalization
Zwunzwuo Unicode	🐦
Byia̱ lyulyoot	list of birds

 

 Neet mi̱ Wukideita

A̱ka̱man [ə̄kə̄mān] na (a̱nyiung: a̱man ka) (Aves) yet sot nyám ji̱ byia̱ kungkup-a̱ma ja ji̱ byia̱ a̱sok na̱ byia̱ shut a̱ni, ji̱ si̱ shyia̱ ki̱las Aves a̱ni. Na̱ byia̱ cat, ma̱ng nunu ku sang a̱nyunyung a̱ni, na̱ mang cyi, na̱ maai kwang kyayak mi̱ fi̱fa nna hu a̱nggang, na̱ si̱ byia̱ bwolyia̱ ji̱ byia̱ a̱yaampwot a̱naai a̱ni, ma̱ng a̱yaapala nkap ba̱ byia̱ cet a̱ni. A̱ka̱man shyia̱ koji mi̱ swanta hu a̱wot shi nna hu maai kyiak neet mi̱ sentimita 5.5 (nc 2.2) ba̱ng si̱ bai sentimita 2.8 (nia̱ 9 nc 2). Á̱ mbyia̱ ntangka̱i a̱ka̱man ku swak 11,000 nia na̱ shyia̱ mi̱ swuan a̱ni mi̱ di̱ yong huni a̱wot á̱ si̱ ka̱u nna tyia̱ a̱yaaoda 44. Kyang ku swak a̱kum yet a̱ka̱man na̱ cyok a̱zaka̱kwon nia. A̱ka̱man byia̱ nfeap na̱ laai a̱ shi ca̱caat ma̱ng tangka̱i hu; mi̱ sot ji á̱ lyen a̱ni ji̱ sang nfeap a̱ni, jija yet a̱ka̱man á̱ ngyei moa ma̱ng a̱ka̱man-zwuom na̱ nwai shyia̱ ma̱ a̱cet a̱ni. Mbwak nna na na̱ bwuak tyia̱ nfeap a̱ni, ni̱nia nwuat a̱ka̱man cet fi̱ri̱p hu, shimba shai shishai hu si̱ tyia̱ a̱ka̱man á̱ghyang si̱ nwai lyen fi̱ri̱p hu, nang pengwin ma̱ng nyám jhyang mi̱ sá̱khat-a̱byin nang á̱ si̱ mi̱n shyia̱ nji da̱ a̱ka̱vwuo á̱ghyang bah. A̱si̱tem (nkyang) kwang kyayak mi̱ tswu-a̱fa ji ma̱ng kwak swuan a̱ka̱man ba vwuon ma̱ng á̱si̱ nyám jhyang a̱wot ba̱ si̱ yet di̱ fi̱ri̱p hwa. Ntangka̱i a̱ka̱man á̱ghyang da̱ a̱ka̱vwuo nang a̱sa̱khwot nshyia̱ a̱ni, nang a̱ka̱man kyai-a̱sa̱khwot na mbeang a̱ka̱man-a̱sa̱khwot á̱ghyang, mun á̱ byia̱ nkyang na̱ beang nna na̱ wak a̱ni. Á̱ ngyei tat-a̱pyia̱ lyen a̱ka̱man, onitoloji ku mi̱ "tat-a̱pyia̱ lyen a̱ka̱man," mgba̱m.