A̱ni̱ca

Maba̱ta̱do

Ca̱crak

Fantswam

Gworog

Sholyia̱

Ta̱kad

Tuku

Á̱ lyuut ati̱kut wuni di̱n Tyap Maba̱ta̱do ja (Maba̱ta̱do)

A̱ni̱ca

Local Government Area, big city

Kpaat	1550
A̱lyoot a̱gwomna̱ti	onitsha
A̱lyoot a̱lyem a̱byin	Ọ̀nị̀chà Mmílí
A̱lyem a̱gwomna̱ti	Shong
Tsung-a̱byin	Afi̱rika
A̱byin	Naijeriya
Shyia̱ di̱ fam tyok a̱byin	A̱byin A̱na̱mba̱ra
Shyia̱ di̱ fam jen	UTC+01:00
Coordinate location	6°7′59″N 6°47′33″E
Twinned administrative body	Compton
Zwunzwuo-a̱muup	430...
Official website	https://imeobionitsha.org/
Local dialing code	046

 

 Neet mi̱ Wukideita

A̱ni̱ca (Fa̱k; A̱kum-a̱cyi: Ọ̀nị̀chà Mmílí ku mi̱ Ọ̀nị̀chà) yet a̱keang kya di̱ khwong a̱tyin A̱ghyui Naija hu, ma̱ A̱byin A̱na̱mba̱ra, Naijeriya. A̱ni̱ca dundung ma̱ng á̱ghyang a̱ka̱ceang ma̱ a̱di̱di̱t di̱ fam a̱tak A̱byin A̱na̱mba̱ra, fam a̱za A̱byin Imo ma̱ng A̱byin Da̱li̱ta ka̱ hyia̱k nka a̱ni di̱ fam jenshyung A̱ghyui Naija hu, yet fam meti̱ropolit hwa ku yet nang a̱keang a̱nyiung kya a̱ni.

Ma̱ a̱lyia̱ 2016, a̱gba̱ndang kap A̱ni̱ca wu ku byia̱ á̱niet nang á̱ ku tyan ba̱ nat ntat milyon a̱ni̱nai a̱ni mi̱ nfam a̱ka̱wa̱tyia̱ ma̱ng a̱tak a̱byin A̱na̱mba̱ra na na̱ ngeap nwuo mami a̱byin Da̱li̱ta a̱ni di̱ fam jenshyung mbeang a̱byin Imo di̱ fam a̱tak hu. Á̱ nwuan a̱gba̱ndang fam A̱ni̱ca wu gu ngeap a̱ nwuo mi̱ bibyin badundung ntat huni a̱ni nang nyiung mami nfam meti̱ropolit na̱ shi a̱ swak a̱ni mi̱ Naijeriya di̱n vak shi á̱niet ma̱ng shi a̱byin. Ngeang a̱gba̱ndang a̱keang A̱ni̱ca hu si̱ tyia̱ a̱ka̱keang nang Asaba, Obosi, Ogidi, Oba, Ogbaru, Nnewi, a̱cyian A̱byin A̱na̱mba̱ra ka Oka naat Olu ma̱ a̱byin Imo si̱ mun a̱ yet nang a̱keang a̱nyiung kya a̱ni. Mi̱ da̱ a̱lyia̱ 2025, a̱tsak a̱keang A̱ni̱ca wu ku byia̱ kyang hu á̱ tyan ku na bai á̱ 5,628,000 a̱ni.