A̱ri̱kan (song)

Maba̱ta̱do

Fantswam

Gworog

Sholyia̱

Takad

Tyeca̱rak

Tyuku

Á̱ lyuut ati̱kut wuni di̱n Tyap Maba̱ta̱do ja (Maba̱ta̱do)

A̱ri̱kan (song)

type of dance

Tafa	Ukrainian folk dance
A̱byin neet	Yuki̱ren
Intangible cultural heritage status	National Inventory of Intangible Cultural Heritage of Ukraine

A̱ri̱kan (Aркан, Aрґан ku Arkan) yet tangka̱i song kaat A̱hutsut Yuki̱ren (neet mi̱ Hutsuli̱shi̱cina, fam a̱tak-jenshyung Yuki̱ren) hwa nang á̱niet cat ba̱t a̱ni. Swang a̱lyiat ji ma̱ a̱ca̱caat fa a̱ghwong kya, nang á̱ ku khwap neet ma̱ a̱lyem Romaniya ka a̱ni, á̱ ku si̱ bwuo neet mi̱ swang a̱lyiat Turukyik ji Arkan[1], ji̱ fa a̱ywan, a̱ghwong a̱ni.

Song

Á̱ ni̱ song song a̱ri̱kan ji kpa̱mkpaan ma̱ng long wa̱i vam hwa mi̱ taada, a̱wot á̱tyok bya song song jini.

Swang a̱lyiat A̱ri̱kan ji bu fa tat-song hu nang á̱tyok ni̱ tat a̱ni mi̱ di̱ keang long wa̱i vam hu a̱ni. Tat hu ni̱ tsa ma̱ng kpaintak a̱zayak hu hwa á̱ shyei nat a̱ji nat a̱ja̱u (ku tat kpaintak hu a̱ka̱feang ma̱nang song ji hyaat a̱ni), kpaintak a̱zamyian hu ni̱ team a̱ma̱lyim, ntat kpaintak a̱zayak na nat a̱ji nat a̱ja̱u, ma̱ng kpaintak a̱zamyian hu ni̱ fi̱ri̱p a̱zaghyi a̱tyunsong ka ma̱ng a̱khwut nang á̱ beak a̱ni. Á̱ ni̱ song song jini ma̱ng mbwak á̱tyok na tazwa a̱za̱ghwuan a̱ghyang a̱niet kya. Da̱ a̱kwonu a̱kya, mi̱ sóng a̱yaagwak Yuki̱ren ji, zwá nsóng ma̱ a̱di̱di̱t nvwuon ja bye khwi tangka̱i tat kpaintak taada huni. Ridi̱m A̱ri̱kan wu yet 2/4 wa.