A̱sukuru

Maba̱ta̱do

Ca̱crak

Fantswam

Gworog

Sholyia̱

Ta̱kad

Tuku

Á̱ lyuut ati̱kut wuni di̱n Tyap Maba̱ta̱do ja (Maba̱ta̱do)

a̱sukuru

type of machine element

Tafa	simple machine, threaded fastener
Published in	Encyclopædia Britannica Ninth Edition

 

 Neet mi̱ Wukideita

Ntangka̱i a̱sukuru nvwuon, ma̱ng mai shi kwa̱ta A̱BA̱ hu

A̱sukuru nkwon: a) a̱pyia̱; b) vam ku sang lyen ku cyip a̱ni; c) vam ku byia̱ lyen ku cyip a̱ni; d) jhyi

A̱sukuru wu (á̱kpa a̱yaasukuru ba) yet a̱ba̱gun a̱kpang wa a̱ byia̱ lyen ku cyip a̱ta̱usa a̱ni nang á̱ maai á̱ la̱p ku á̱ byii̱k nggu di̱n vak nyian ta̱m ma̱ng a̱kyerak-shyei cyip (a̱kyerak-bwan) da̱ a̱pyia̱ ka. Ta̱m hu nang á̱ nyia̱ ma̱ tai ma̱ng nggu a̱sukuru, huhwa yet á̱ ba̱ng nkyang dundung ka̱ngka̱ng a̱wot á̱ si̱ mun byia̱ ntangka̱i nggu nvwuon mat ntangka̱i nkyang nvwuon. Á̱ maai á̱ swat a̱yaasukuru ba ma̱ a̱bubwong nkyang nang á̱ mun ndung a̱ni ku á̱ nyia̱ ta̱m ma̱ng a̱nggu á̱ nyia̱ lyen ku cyip a̱ni nang gu na maai a̱ nwuo mami a̱ni.

A̱pyia̱ a̱sukuru ka di̱ jhyi nyiung hu byia̱ jhyuaai nang á̱ maai á̱ swat kyang á̱ bwuak a̱sukuru wu a̱ni ma̱ng a̱kyerak-shyei. Nkyangta̱m tai nang á̱ nyian ta̱m ma̱ng á̱na di̱ bwan a̱yaasukuru ni̱nia yet nkyangluk-a̱sukuru, sí̱pana, ra̱nci, a̱ka̱nkurum tswam ma̱ng yaya á̱ma̱nta-a̱taa. A̱pyia̱ ka ni̱ shyia̱ a̱kpai lan vam hu, ka̱ nwuat a̱tai bwan wu a̱wot ka̱ nvwuong luk a̱sukuru mami ku swak si̱sak ku myim shi a̱swap nggu hu a̱ni; mi̱ kyang nyiung ku nwai khwi a̱lyiat nani huhwa yet a̱sukuru a̱ sang a̱pyia̱ (á̱ mun ngyei a̱sukuru ma̱nggwong) a̱ni. Kap a̱di̱ri̱m a̱sukuru hu neet mi̱ fam a̱tafa a̱pyia̱ hu naat mi̱ jhyi hu hwa á̱ ngyei vam hu; á̱ bye cyip lyen da̱ nhu di̱n kap ku ma̱ a̱mgba̱m ma̱ng jhyuaai a̱ka̱wa̱tyia̱ lyen hu nang á̱ ngyei a̱byit ka a̱ni.

Á̱ nvwuoi a̱yaasukuru ma̱ a̱di̱di̱t ka̱nang á̱ bwuak mba nang bwak-a̱gogo a̱ni, nang á̱ ngyei cyip bwak-yak a̱ni. Á̱ nyian ta̱m ma̱ng a̱yaasukuru ma̱ng cyip-bwak-a̱myian ba̱t bah, si̱ nang á̱ na nyia̱ ta̱m ma̱ng a̱nggu mi̱ kyang ku bwuak ma̱ng a̱kyerak-bwan a̱ nyia̱ fi̱p ma̱ng cong bwak-a̱gogo a̱ni, ku maai byii̱k a̱sukuru cyip-bwak-yak a̱ni. Mat a̱nia wa, fam bwak-a̱myian kyangluk tsaai-ntswam si̱ byia̱ cyip bwak-a̱myian.

Kyangta̱m a̱sukuru hu yet nyiung mi̱ a̱hyohyoot máshin a̱taa wu nang á̱nietlyensayen ba di̱n ce Shyip hu ku wa̱i a̱ni.

Nkhang

Njin bwan a̱si̱ a̱lyia̱ 1871, ma̱ng a̱gba̱ndang kyangbwan a̱sukuru a̱wot a̱ si̱ maai shai nkyangshyiakcung mat fak-a̱sukuru di̱ tyan jhyiung

Mashin a̱sukuru shanbwan-jhyiung si̱ Brown & Sharpe