A̱takmawa̱i

Maba̱ta̱do

Fantswam

Gworog

Sholyia̱

Takad

Tyeca̱rak

Tyuku

Á̱ lyuut ati̱kut wuni di̱n Tyap Maba̱ta̱do ja (Maba̱ta̱do)

A̱takmawai

a̱vwuonswat á̱nietbishyi

A̱byin	Naijeriya
Shyia̱ di̱ fam tyok a̱byin	Á̱nietcen A̱fakan, A̱byin Ka̱duna
Coordinate location	9°51′23″N 8°25′18″E
A̱lyem á̱ nyian ta̱m ma̱ng a̱nka	Tyap, Kpat, Shong, Shong Kaswuo
Zwunzwuo-a̱muup	802144

 

 Neet mi̱ Wukideita

A̱takmawa̱i (Kpat: Kurmin Masara) yet a̱bakeang kya di̱ famtyok Kibori, ma̱ A̱byintyok A̱tyap, di̱ fam a̱ka̱wa̱tyia̱ a̱byin Naijieriya ma̱ a̱tak Si̱tet Ka̱duna, Naijeriya. La̱mba a̱keang a̱hwahwa yet 802144. A̱keang ka kan nwuai a̱ka̱bung fwun jhya kukwi mbwak a̱niet a̱tsaai ma̱ ndyia̱ 2021 ma̱ng 2022.

Nwuai swat nyinyang

A̱keang kani swuo a̱ka̱bung fwun jhya kukwi tsa̱tsak a̱lyia̱ 2020 ma̱ng 2022. Mi̱ Zwat a̱ninai 2020, ka̱ ku mun a̱shyia̱ di̱ a̱bung fwun jhyá ka ku kai a̱keang ka a̱ni, Atakmawai ku a̱ yet a̱nyiung ma̱ gba̱m a̱ka̱keang A̱tyap nang a̱niet a̱tsaai ba ku nwai a̱ni. Jhya ji ku bai mi hyaai ma̱ng wum a̱ka̱sa ma̱di̱di̱t. A̱wot, mi̱ Zwat jhyiung 2022, Atakmawai swuo a̱bung mbwak a̱niet a̱tsaai ba̱t a̱wot á̱ ku hyaai mba a̱niet 10 a̱wot á̱ si̱ wum a̱ka̱sa ma̱di̱di̱t. Kyang hu ni tsa di̱n jen nang a̱niet a̱keang ba shyia̱ di̱ myian. Di̱ cat beang á̱ si̱ yei, Á̱khwot-a̱kwop tazwa si̱ bai a̱ ba̱ swan a̱nyiak ka̱ ngyei a̱tan a̱ni. Ma̱ng a̱nia, a̱bung ka ku ghwai da̱ a̱ka̱vwuo ntyok na ba a̱wot ka si̱ wa mbai a̱ka̱keang ma̱di̱di̱t ma̱ng a̱ka̱vwuo njhyang mi̱ di̱ sot a̱gwomna̱ti a̱mali a̱ja.