A̱vaak

Maba̱ta̱do

Ca̱crak

Fantswam

Gworog

Sholyia̱

Ta̱kad

Tuku

Á̱ lyuut ati̱kut wuni di̱n Tyap Maba̱ta̱do ja (Maba̱ta̱do)

a̱vaak

Tafa	bat, fortification
Yet kap	fortress, stronghold, fortification

 

 Neet mi̱ Wukideita

A̱vaak [ə̀vàâɡ] wu (á̱kpa: a̱yaavak ba) yet a̱gba̱ndang bat wa nang á̱ ni̱ keang a̱keang ma̱ng a̱nggu mat á̱ cok nka kalak á̱na̱nvan ba̱ di̱ ba̱ nwuo a̱ni. Á̱ bye nok a̱yaavak ba nang kyang ku li nang a̱vaak nvap ba̱ng si̱ bai a̱vaak a̱teap á̱nietnzwang ma̱ng a̱ca̱cet a̱di̱ri̱m, a̱ka̱swang bat mbeang nyinyiit mat nwuai ma̱ng ghwut a̱keang ka. Neet mi̱ gbangbang bai a̱zafwun ka, á̱ ku nyia̱ ta̱m ma̱ng a̱mba á̱ keang a̱ka̱keang nia. Da̱ a̱ka̱nyiung, á̱ ka ngyei mba mbat-a̱keang, shimba á̱ ka mbyia̱ mbat, nang A̱gba̱ndang A̱vaak Caina, A̱gba̱ndang A̱vaak Bini, A̱vaak Hadi̱riyan, A̱vaak A̱nasi̱tasiya, ma̱ng A̱vaak Ati̱lantik wu, á̱zang bibya ku ngaat a̱ swak a̱gi̱gak a̱keang a̱wot á̱ ku nyia̱ ta̱m ma̱ng a̱mba á̱ fam nfam nia ku á̱ cak a̱gi̱gak a̱byin ba. Da̱ a̱ka̱vwuo nang a̱ka̱fan nshyia̱ a̱ni, á̱ ku nyia̱ ta̱m ma̱ng a̱yaavak nang n-letzi na dundung ma̱ng a̱ka̱sa-cok á̱ nyii ninian kalak á̱na̱nvan ba̱ di̱ ba̱ nwuo mi̱ fam a̱hwa. Kang ma̱ng ta̱m cok mba hu, a̱yaavak ma̱ a̱di̱di̱t bu byia̱ a̱tsatsak nta̱m mi̱ taada – a̱wot ba̱ fa shi ma̱ng swan swat ma̱sa̱t si̱ á̱niet ba ba̱ nok mba a̱ni.