A̱vwuoncok Nyám-a̱yit Yangkari
|
Á̱ lyuut ati̱kut wuni di̱n Tyap Maba̱ta̱do ja (Maba̱ta̱do) |
| Kpaat | 1991  |
|---|---|
| IUCN protected areas category | IUCN category II: National Park |
| A̱byin | Naijeriya |
| Shyia̱ di̱ fam tyok a̱byin | Si̱tet Ba̱uci |
| Coordinate location | 9°18′0″N 10°30′0″E |
| Sa kpa cam a̱byin | Alkaleri |
| Significant place | Bauchi |
| Byia̱ za̱kwa | tourist attraction |
| Species kept | a̱lywei, zwuom, Giraffa camelopardalis, tsang |
A̱vwuoncok Nyám-a̱yit Yangkari yet a̱gai kyai nyám-a̱yit wa ma̱ng Paak A̱byin gbangbang a̱ shyia̱ di̱ fam a̱tak-a̱ka̱wa̱tyia̱ A̱byin Ba̱uci, di̱ fam a̱ka̱wa̱tyia̱ a̱byin Naijeriya. A̱vwuo ka khwi a̱byin ka̱ byia̱ shi kyai ku na bai kpa̱mkpaan ma̱ng km2 2244 a̱ni a̱wot ka̱ si̱ yet mali a̱di̱di̱t a̱za̱za̱rak nnang-a̱sa̱khwot vwuon na̱ swan hyuhywi a̱ni, mbeang ntangka̱i nkyangtang-a̱byin ma̱ng nyám ma̱ a̱di̱di̱t nvwuon. Ka̱ shyia̱ ma̱ a̱ka̱wa̱tyia̱ kyai a̱ga̱fi̱p ma̱ng á̱kwop fam Jenshyung Afi̱rika kikya a̱wot si̱ a̱hwa si̱ tyia̱ ka̱ si̱ byia̱ nkyang na nang á̱niethyiap-a̱ghyi ba na cat ba̱ nwuan a̱ni mat nyám-a̱yit ma̱ng a̱za̱za̱rak za̱náng ka̱ byia̱ a̱ni. Á̱ ku kpaat Yangkari nang a̱vwuoncok nyám-a̱yit ma̱ a̱lyia̱ 1956 kya, a̱wot á̱ sii du bwuak ku si̱ yet paak a̱byin a̱ swak ma̱ng shi kyai a̱ni mi̱ Naijeriya ma̱ a̱lyia̱ 1991. Kikya yet a̱vwuo ntsa nang á̱niethyiap a̱ghyi ba ncat bai a̱ni ma̱ a̱byin Naijeriya ka a̱wot ka̱ si̱ byia̱ a̱gba̱ndang kap ka̱ tsot a̱ni mi̱ byi̱k ma̱ng mban hyiap-a̱ghyi ma̱ng cong a̱za̱za̱rak a̱ka̱vwuo mi̱ Naijeriya.[1] Ka̱ yet a̱za̱za̱rak a̱vwuoncong hyiap-a̱ghyi wa mi̱ fam Jenshyung Afi̱rika nang á̱niet ma̱ a̱di̱di̱t cong a̱ni.[2]