A̱ya̱shuk-kwok

Maba̱ta̱do

Ca̱crak

Fantswam

Gworog

Sholyia̱

Ta̱kad

Tuku

Á̱ lyuut ati̱kut wuni di̱n Tyap Maba̱ta̱do ja (Maba̱ta̱do)

a̱ya̱shuk-kwok

Tafa	a̱ya̱shuk
Byia̱ ta̱m	grasping
Used by	a̱fwu

 

 Neet mi̱ Wukideita

A̱ya̱shuk-kwok a̱ byia̱ a̱junjung mbwak a̱ni nang á̱ nyia̱ mat shwai nam a̱ta̱usa a̱ni

A̱ya̱shuk-kwok shuga

A̱ya̱shuk-kwok a̱fwu mat nyian nkyangta̱m ntswam

A̱ya̱shuk-kwok wu [ə̀jə̀ʃúɡ kʷɔ̂ɡ] (á̱kpa: a̱yaaya̱shuk-kwok ba) yet tangka̱i kyang ta̱m hwa nang á̱ ba̱ng a̱wot á̱ ta̱ngam nkyang ma̱ng a̱nggu a̱ni, ka̱ doot nkyang á̱na li gba̱gbai, mat a̱nia, á̱ na cat kyang á̱ na ba̱ng nna ma̱ng a̱nhu a̱ni, da̱ a̱kwonu nang á̱ na kwok nna ma̱ng mbwak na a̱ni. Á̱ mbyia̱ ntangka̱i a̱ya̱shuk-kwok ma̱ a̱di̱di̱t ca̱caat ma̱ng tangka̱i ta̱m hu nang na̱ nyia̱ a̱ni. Jhyi hu byia̱ vwuon tsi̱tsak di̱ fam-jhyi a̱ya̱shuk-kwok hu.

Á̱ lyen a̱yaaya̱shuk-kwok neet ma̱ a̱byin Ma̱sa̱t gbangbang. Ka̱ doot nyia̱ ntsa ji ku yet a̱ya̱shuk-kwok nkwon wa, nang á̱ sii du shai ma̱ng a̱si̱ nggu nang á̱ jhyi ma̱ng a̱kpeap a̱ni neet mi̱ ndyia̱ 3000 KsdB na. Ma̱nang jen sweap a̱ni, a̱ si̱ shai a̱ yet a̱si̱ nggu nang zi̱ lyen a̱ni. Swup bat a̱byin Ma̱sa̱t ghyang neet mi ndyia̱ 1450 KsdB na ku tyai a̱la̱n byi̱k tswam nang shán sweang byet a̱ka̱wa̱tyia̱ a̱ni.

Bu nwuan

• A̱ya̱shuk-a̱toot
• A̱ya̱shuk-kwat
• A̱ya̱shuk-tswam