Ba̱tsheba

Maba̱ta̱do

Fantswam

Gworog

Sholyia̱

Takad

Tyeca̱rak

Tyuku

Á̱ lyuut ati̱kut wuni di̱n Tyap Maba̱ta̱do ja (Maba̱ta̱do)

Ba̱tsheba

human biblical figure

Yet kap	דוד ובת שבע
Sot mbyin	a̱nap
A̱byin mbyin	Kingdom of Israel
A̱lyoot da̱ a̱lyem mbyin	בת שבע
A̱lyoot nang á̱ ku tyia̱ nggu	Bathsheba
A̱tuk mbyin	1009 BCE
A̱keang mbyin	Giloh
A̱tuk kwi	937 BCE
A̱tyia̱	Eliam
A̱tyunswat	Uriah the Hittite, David
Nggwon	Solomon, Nathan, Sobab
A̱li	Davidic line
Lilyem a̱ lyen lyiat, lyuut ku tyia̱ bwak ma̱ng a̱nhu a̱ni	Biblical Hebrew
Ta̱m	queen consort
Cuk ji a̱ ku ba̱ng a̱ni	Queen mother
Nwap	Israelites
Khwi ku nwuan-ta̱cya̱	Yahwism
Present in work	Second Book of Samuel, First Book of Kings, First Book of Chronicles
Depicted by	Bathsheba, Bathsheba

Ba̱tsheba (בַּת־שֶׁבַע Baṯ-šeḇaʿ, ca̱c. 'Nggwon-a̱nap Sheba'Ta‌̱mpi‌̱let:Sp or 'Nggwon-a̱nap la̱p-a̱ka̱beet') ku yet a̱byii̱k a̱gwam Isi̱rela gbangbang wa. Si̱sak ma̱ng Kpa̱m A̱lyiat A̱gwaza A̱biru hu, a̱ ku yet a̱kyuo Uriya A̱tyuhiti wu wa a̱wot ku si̱ labeang bah a̱ si̱ bwuak tyia̱ a̱si̱ Da̱wuda, ma̱ng a̱nyan wa a̱ si̱ shyia̱ a̱mgba̱m mman a̱fwuon nggu na. Shi nggu hu di̱ yet a̱yang Solomon, a̱nyan wa ku ci̱t A̱gwam David a̱ si̱ yet a̱gwam a̱ni, a̱ si̱ bai tyia̱ Gebirah (גְּבִירָה) A̱byintyok Isi̱rela. Á̱ jhyung nggu a̱ swak mat nshyia̱ nggu hu mi̱ Kwaa̱mbwat Sa̱mwila, zang huhwa ku fang si̱sak nang a̱yaata̱m-tyok Da̱wuda ba ku yei nggu nang gu sii du li nggu nang gu swuo ka̱gbang a̱ni a̱ si̱ ta̱bat shywo nggu; Da̱wuda si̱ tyia̱ á̱ hyat Uriya a̱ si̱ bwuo Ba̱tsheba a̱byii̱k nggu, si̱ a̱wa si̱ tyia̱ A̱gwaza lyen ba̱t, A̱ si̱ hyat nggwon a̱ni̱nap mba ka nang ka̱ ni̱ ngyet a̱banggwon a̱wot a̱ si̱ som A̱li Da̱wuda ka mami tyei-tai ma̱ng swuoa̱bung.

Nkhang Kpa̱m A̱lyiat A̱gwaza

Ba̱tsheba ku yet nggwon-a̱nap a̱tyu Elyam a̱ghyang wa ca̱caat ma̱ng 2 Sa̱mwila 11:3 ma̱ng a̱si̱ A̱myiet mi̱ 1 Nkhang 3:5. Á̱ ku yorong a̱tyu Elyam mi̱ 2 Sa̱mwila 23:34 nang a̱fai A̱hitofa̱t a̱tyu Giloh wu. Ba̱tsheba ku yet a̱kyuo Uriya A̱tyuhiti wu wa.

Á̱ ku wa̱i a̱tsan a̱lyiat Da̱wuda ma̱ng Ba̱tsheba mi̱ 2 Sa̱mwila 11. Ma̱nang gu shyia̱ di̱ cong tazwa a̱kang a̱lityok nggu ka, Da̱wuda si̱si̱ ndi a̱sham a̱byii̱k ma̱ fii nang gu shyia̱ di̱ swuo a̱ni. A̱ si̱ byim a̱ fa̱k ki da̱ a̱nyan wa gu yet, a̱wot a̱ sii du fi̱k nyia̱ a̱kyuo Uriya wa gu yet. Mi̱ di̱ shyuo nggu, ku si̱ labeang bah, Da̱wuda si̱ myia̱ ma̱ng a̱nggu Ba̱tsheba, a̱ si̱ tyia̱ nggu a̱fa. (David E. Garland ma̱ng Diana R. Garland nwuan kyang hu nang Da̱wuda nyia̱ nang kidee wam di̱ ta ja mi̱ Kpa̱m A̱lyiat A̱gwaza A̱biru hu.)

Ma̱nang á̱nietnzwang ba ku shyia̱ di̱ kwan mi̱ kyai nzwang, Da̱wuda si̱ yorong Uriya nyia̱ gu bwuok a̱ nat a̱mali ma̱nang gu gbang a̱lyia̱ nyia̱ a̱ na wam ma̱ng Ba̱tsheba, da̱nian nggwon ka nang gu na byin a̱ni á̱ dam nyia̱ Uriya wa byia̱. Da̱ a̱kwonu a̱kya, Uriya si̱ lak ci gba hu nang á̱ ni̱ nnwuak á̱nietnzwang ba̱ shyia̱ di̱ kwan a̱ni bah, a̱ si̱ khai a̱ shyia̱ ma̱ng á̱nietnzwang a̱lityok ba da̱ nggu, a̱ lak myia̱ da̱ a̱gbaat nggu.

Da̱wuda ma̱ng Ba̱tsheba mi̱ ghwughwu nang a̱tyu nang á̱ nwai lyen a̱ni ku swup mi̱ sa̱ncuri 17 wu

Da̱wuda si̱ kwan kukwan gu li nang Uriya myia̱ ma̱ng a̱byii̱k nggu wu a̱wot a̱ si̱ fwan gba̱mgbam. Da̱wuda si̱si̱ nnwuak jenera nggu wu, Yowap, oda nyia̱ a̱ tyia̱ Uriya a̱zanson-a̱nson lang zwang ka, a̱vwuo ka nang gu na fa̱k vam ba̱t. Ku si̱ tyak a̱nia bah, Da̱wuda si̱ nwuak Uriya ta̱m ji a̱pyia̱ nggu, gu nat gu nwuak. Di̱ ngaan hu, á̱ si̱ hyat Uriya mi̱ zwang ji di̱n jen zwang a̱keang Ra̱bah, a̱wot Ba̱tsheba si̱ tywei a̱nak nyia̱ a̱dyundyung-a̱fa mat saan a̱tyok nggu wu. Da̱wuda si̱ bwuo nggu gu yet a̱byii̱k nggu wu, a̱ si̱ kyiak nggu bai a̱malityok nggu ka, a̱ja wa gu si̱ byin nggu nggwon ka.