Eagle Wings

Maba̱ta̱do

Fantswam

Gworog

Sholyia̱

Takad

Tyeca̱rak

Tyuku

Á̱ lyuut ati̱kut wuni di̱n Tyap Maba̱ta̱do ja (Maba̱ta̱do)

Eagle Wings

film

Title	Eagle Wings
Genre	thriller film, action film, war film
A̱tuk nshei	12 Zwat Tsat 2021
A̱byin neet	Naijeriya
A̱tsak a̱lyem fim ku shei TV huni	Shong
A̱kwak a̱son	Paul Apel Papel
A̱tyulyuut nkhang	Paul Apel Papel
Film editor	Paul Apel Papel
Producer	Paul Apel Papel
A̱sa̱khwot	color
Distribution format	video on demand

Eagle Wings na̱ng a̱ bu ngyei Air Force Story a̱ni, yet ghwughwu-a̱guguut a̱si̱ zwa̱ng ja̱ na̱ng á̱ nyia̱ ma̱ a̱lyia̱ 2021 ma̱ a̱byin Naijeriya a̱ni a̱kwak a̱son wuwa yet Paul Apel Papel. nkhang na̱ nyia̱ fim ji̱ni ja̱ yet si̱ ntsa̱ wu ma̱ fim á̱ si̱ zwa̱ng mi̱ a̱byin Naijeriya ka a̱ni. Á̱niet jhyi fim ba nyia̱ fim jini ku shyia̱ lin á̱ma A̱khwot Á̱kwop Naijeriya ba mbea̱ng a̱li ta̠m fim á̱ si̱ Nollywood wu. Nkhang fim na yet a si̱ ta̱m ma̱ng swuo á̱bung A̱khwot Á̱kwop Ta̱zwa wa ma̱ng a̱yaa̱t ka̱ na̱ng ba̱ kwa̱n ma̱ a̱ya na̱nva̱n ba̱ shyia̱ A̱za Naijeriya ka̱ a̱ni. Fim wuni ku ghwut, á̱ si̱ tyia̱ nji ma̱ siliman a̱tuk mam 12 Zwat Tsat 2021 ma̱t á̱niet lyen li hu ba ka nwa̱k á̱di̱dam mba̱ hu.

Á̱nietfim ba

• Enyinna Nwigwe wa á̱ ngyei Nuru Yusuf
• Femi Jacobs wa á̱ ngyei Paul Dike
• Yakubu Muhammed wa á̱ ngyei Yisa Doko
• Uzee Usman wa á̱ ngyei Korinjo
• Funky Mallam wa á̱ ngyei 2Ic Zango
• Patience Ujah
• Sadiq Daba wa á̱ ngyei President of Nigeria
• Francis Duru wa á̱ ngyei AVM Petinrin
• Paul Apel Papel wa á̱ ngyei John Femi
• Abdul U. Zada wa á̱ ngyei Baku
• Jamila Ibrahim wa á̱ ngyei Amina
• Iyke Odiase
• Nazareth Jesse
• Sidney Idiala
• Stephanie Apel

Jhyi fim

Paul Apel Papel wa ku yet a̱kwak á̱son fim wuni, a̱wot a̱ si̱ jhyi fim wu ma̱ng si̱todiyo nggu ja̱ na̱ng a̱ng gyei Papel Produntions ani. A̠ya A̱khwot Á̱kwop Tazwa ba̱ ku ntyia̱ bwuak ma̱ng nta̱m jhyi fim na̱ni hu hwa̱ yet fim ntsa hu na̱ng á̱ shyia̱ mun a̱pyia a̱ si̱ Nigerian Film Corporation mbea̱ng Nigerian Air Force Investments Limited ani. Nkhang na̱ nyia̱ ma̠ Zwat Swak ma̱ng Jhyiung 2019 ja na̱ng A̱khwot Á̱kwop Naijeriya ba nshyia̱ mun á̱pyia ma̠ Nigerian Film Corporation mbeang Nigerian Air Force Investments Limited a̱ni. Nkhang fim na̱ ku neet ma̱ng A̱gba̱ndang ofit A̱khwot Á̱kwop di̱ á̱na̱nwuai sea̱ng nkha̱ng a̱za̱la̱ng sot X na̱ng á̱ ku ngyei Twitter a̱ni.

Á̱ ku tsa̱ nta̱m kwok ghwughwu-a̱guguut a̱ si̱ Eagle Wings ma̱ a̱tuk mam 25 Zwat Sweang 2020. Á̱ wot mam a̱ hwa̱ ku yet ma̱m byin a̱kwa̱k a̱son nta̱m jhyi fim hu hwa̱ na̱ng a̱ ngyei Paul Apel Papel a̱ni mi̱ng A̱gba̱ndang a̱kea̱ng Ka̱duna. Nta̱m fim na ku shyia̱ ya a̱son si̱ na̱t Zwat Nyaai 2020.

Ghwut fim ji

Fim wuni ku ghwut a̱tuk mam 25 Zwat Sweang 2021. Á̱ ku tyia̱ nji ma̱ng a̱gba̱nda̱ng a̱li siliman ma̱ a̱keang Abuja. Á̱wot a̱tuk mam 7 Zwat Tsat 2021 a̱ si̱ tyia̱ nji siliman ji shyia̱ Legwot a̱ni. A̱tuk mam 12 Zwat Tsat 2021 kya na̱ng fim wu ku ngwut ma̱ a̱byin ka̱ a̱mgba̱am.