Ga̱maá̱niet Di̱moki̱rasi Konggo

Ga̱maá̱niet Di̱mokrasi Konggo République démocratique du Congo (Fi̱ransa) Repubilika ya Kôngo ya Dimokalasi (Kituba/Konggo ya leta) Republíki ya Kongó Demokratíki (Linggala) Jamhuri ya Kidemokrasia ya Kongo (Swahili) Ditunga dia Kongu wa Mungalaata (Luba-Lulua)
A̱keangtung	Kinshasa
Shi kyai	2,345,409 km²
Shi á̱niet	108,407,721 ab. (2022)

A̱bwom a̱byin: "Debout Congolais" ("Nyi Ta̱ngam, A̱konggo Ba")

A̱byin Ga̱maá̱niet Di̱mokrasi Konggo ka, GD Konggo (Fi̱ransa: République démocratique du Congo (RDC) /kɔ̃ɡo]/) ka nang á̱niet ma̱ a̱di̱di̱t ka ngyei Konggo-Kinshasa, ku A̱gba̱ndang Konggo), a̱wot á̱ ku ngyei Zayir meang gbangbang a̱ni, yet a̱byin kya di̱ fam-a̱byin A̱ka̱wa̱tyia̱ Afi̱rika. Di̱ fam shi kyai a̱byin, kikya yet a̱feang mami Afrika ka̱ swak ma̱ng shi (a̱ma̱lyim A̱li̱jeriya), ma̱ng 11 mi̱ swanta hu. Ma̱ng shi á̱niet ku shyia̱ kpa̱mkpaan ma̱ng miliyon 108, Ga̱maá̱niet Konggo wu yet a̱nyiung di̱ bibyin ku lyiat a̱lyem Fi̱ransa ka ku swak á̱ghyang ma̱ng shi á̱niet a̱ni. A̱ yet kap Muná̱pyia̱ Bibyin Swanta hu, Non-Aligned Movement, Muná̱pyia̱ Bibyin Afrika, COMESA, South African Development Community, ma̱ng Sot-á̱niet A̱tyin Afi̱rika ji. A̱keangtung ma̱ng a̱gba̱ndang a̱keang nggu a̱ swak ma̱ng shi a̱ni kya yet a̱keang Kinshasa, ka̱ ka ngyet a̱keang ka̱ swak ma̱ng shi da̱ a̱ka̱keang na̱ lyiat a̱lyem Fi̱ransa na ma̱ng a̱keang ka̱ swak ma̱ng shi á̱niet mami Afrika meang. Kikya yet a̱tat di̱ shi kyai fam metropolitan mami Afrika a̱ma̱lyim Legwot ma̱ng Kairo.