Ga̱shyuo-A̱bwoi
|
Á̱ lyuut ati̱kut wuni di̱n Tyap Maba̱ta̱do ja (Maba̱ta̱do) |
| Á̱kum a̱lyoot | S. linnaeanum  |
|---|---|
| Taxon name | Solanum linnaeanum |
| Taxon rank | species |
| Parent taxon | Solanum subg. Leptostemonum |
| Taxon synonym | Solanum hermannii |
| IUCN conservation status | LC |
| GRIN URL | https://npgsweb.ars-grin.gov/gringlobal/taxonomydetail.aspx?id=316356 |
Ga̱shyuo-A̱bwoi ji (Solanum linnaeanum) yet tangka̱i ga̱shyuo hwa nang á̱ ya a̱ni bah, mat a̱yin maai khwu ka̱nang gu ya sum hu.
Sum a̱tyin huni li nang si̱ tumatut hwa a̱wot á̱ shyiat a̱tyin ka mi̱ bibyin Afi̱rika hwa nang Naijeriya, Kenya, Ta̱nzaniya, Afi̱rika A̱tak,[1] Zi̱mbabwe ma̱ng Mozambik,[2] a̱wot á̱ kyiak nka ka̱ yet tangka̱i kyangtang-a̱byin hwa ku laai a̱ ghwut da̱ a̱vwuo ka nang á̱ cat nhu a̱ni bah mi̱ bibyin A̱si̱ti̱relya,[3] Zi̱lan A̱fai,[4] Hawaii, Fiji, Kaledoniya Swai, sá̱khat-bibyin Pasi̱fik jhyang, fam Aseer mi̱ Sa̱udi A̱rabya, ma̱ng nfam a̱za a̱byin Paki̱si̱tan.[5] Ka̱nang sum hu ni̱ li a̱bun, ku ni̱ byia̱ a̱sa̱khwot á̱kwop nia a̱wot ku tai sum ga̱shyuo-Tai ji ca̱caat a̱wot ka̱nang ku byang, ku ni̱ byia̱ a̱sa̱khwot a̱ka̱waa nia. Mi̱ Ukambani di̱ fam a̱tyin Kenya mman mi̱ a̱bakeang ka di̱n jen a̱won ni̱ tsot a̱byang sum wu nang a̱la̱u a̱ni ma̱ng ta̱bam.
Solbec Pharmaceuticals ku kwan nyia̱ kan hu á̱ ngyei Coramsine ma̱ng a̱nhu,[6] ba̱ si̱ kyiai 1:1 a̱yaa-a̱li̱kaloyit ba solamargine ma̱ng solasonine nang á̱ ghwut ndyo neet mi̱ ga̱shyuo-A̱bwoi a̱ni, nang kan kansa. Ma̱nang á̱ mak cet nyian ta̱m kan hu di̱n tsavhu a̱ni, á̱ si̱si̱ li a ngyei kan hu na tyia̱,[7] a̱wot da̱ a̱ka̱nyuung, kan hu si̱ ya-a̱ywan bah.