Helat

Neet di̱ Wikipedia
Jump to navigation Jump to search

A̱byin Helat ku Grit (Helen: Ελλάδα, Elláda /eˈlaða/; Shong: Greece), á̱ lyen di̱ yorong ofisha hu nang Ri̱pobi̱lik Helen wu, (Helen: Ελληνική Δημοκρατία , Elliniki Dimokratia /eliniˈci ðimokraˈti.a/; Shong: Hellenic Republic), yet a̱byin kya ka̱ shyia̱ di̱ fam a̱byin A̱tak-a̱tyin Yurop hu. Shi á̱niet nka hu nshyia̱ kpa̱mkpaan ma̱ng miliyon 10.7 ma̱ a̱lyia̱ 2018; A̱keang Atina kya yet a̱gba̱ndang a̱keang nka ka̱ swak mi̱ shi ka̱ si̱ ka yet a̱keangtung nka ka, a̱wot Ta̱soloniki si̱ khwi lilyim. Ma̱ng swat nka hu da̱ a̱nu fam a̱tak A̱yaaba̱li̱kan ka, a̱byin Helat si̱ shyia̱ a̱pyia̱ nka nang ka̱ swat a̱yaaga̱sat nvak Yurop, A̱sia, ma̱ng Afrika a̱ni. Ka̱ byia̱ a̱gi̱gak a̱byin ma̱ng A̱li̱beniya di̱ fam a̱za-jenshyung hu, A̱za Ma̱kidoniya ma̱ng Buli̱geriya di̱ fam a̱za hu, Turkiya di̱ fam a̱za-a̱tyin hu. Kyai A̱sa̱khwot A̱gea hu si̱ myian di̱ fam a̱tyin a̱tsak a̱byin hu, Kyai A̱sa̱khwot Yon hu di̱ fam jenshyung hu, Kyai A̱sa̱khwot Ka̱rita hu ma̱ng Kyai A̱sa̱khwot Meditaroniya hu di̱ fam a̱tak hu. A̱byin Helat kya byia̱ lang khwong kyai a̱sa̱khwot ku swak di̱ yet a̱junjung di̱ Kham Meditaroniya ji ka̱ si̱ kin ngyet 11 mi̱ swanta hu di̱ lang khwong kyai a̱sa̱khwot ku yet kilomita 13,676 (met 8,498) mi̱ shi a̱swap a̱ni, ma̱ng bibyin a̱ka̱wa̱tyia̱ a̱sa̱khwot ma̱ a̱di̱di̱t, nang 227 mba̱ng á̱nietbishyi a̱ni. A̱yaakpa nswak a̱ni̱nai mami a̱yaakpa cyi Helat yet a̱ka̱fan bya, a̱wot A̱fan Oli̱mput kya ma̱ng gbang a̱ta̱n mita 2,918 (a̱ti̱tak 9,573) kya si̱ swak mi̱ shi a̱za hu. A̱byin ka byia̱ nfam a̱byin taada a̱kubunyiung nani: Ma̱kidoniya, A̱ka̱wa̱tyia̱ Helat, Pa̱loponit hu, Ta̱sa̱li, A̱piro, Bibyin A̱ka̱wa̱tyia̱ A̱sa̱khwot A̱gea hu (a mbeang Dodekanisa hu ma̱ng Kiki̱ladit), Ta̱ra̱ki, Ka̱rita, ma̱ng Bibyin A̱ka̱wa̱tyia̱ A̱sa̱khwot Yon hu.

Tuta Helat
A̱lama a̱byin Helat
Ta̱si̱la a̱byin Helat

Ya̱fang[jhyuk | jhyuk a̱tyin]