Idoma (nwap)
|
Á̱ lyuut ati̱kut wuni di̱n Tyap Maba̱ta̱do ja (Maba̱ta̱do) |
| Tafa | Volta–Niger peoples  |
|---|---|
| A̱byin | Naijeriya |
| A̱lyem á̱ nyian ta̱m ma̱ng a̱nka | Idoma (a̱lyem) |
| Described at URL | https://africanarchive.org/en/staemme/idoma, https://africanarchive.org/de/staemme/idoma, https://africanarchive.org/fr/staemme/idoma |
Idoma ba yet nwap hwa mi̱ fam Jenshyung Afi̱rika nang a̱lyiak nhu shyia̱ a̱tatak nfam jenshyung A̱byin Benuwe, Naijeriya. A̱lyiak a̱byin mba wu shyia̱ a̱mami mami kya, di̱ fam a̱tak A̱ghyui Benuwe hu, kpa̱mkpaan ma̱ng kilomita nswak a̱natat fam a̱tyin tyan mun nka ma̱ng A̱ghyui Naija ka. A̱lyem Idoma ka yet kap a̱bansot Akweya hu hwa a̱si̱ Lilyem Idomoyit hu a̱si̱ kwai Voli̱ta–Naija ji, nang lilyem nang Igede, Alago, Agatu, Etulo, Ete, Akweya (Akpa) ma̱ng Yala a̱si̱ bibyin Benuwe, Na̱sa̱rawa, Kogi, Enugu, ma̱ng A̱za Ki̱rosi̱riva mun á̱ shyia̱ a̱ni. A̱bansot Akweya ka laai byia̱ a̱meang a̱ swak ma̱ng a̱bansot Yatye-Akpa ka.
Á̱ lyen nwap Idoma hu nang a̱ca̱cet á̱nietnzwang bya, a̱mgba̱m ma̱ng a̱nia, ba̱ lyen ba̱ng á̱nietcen ba̱t a̱wot ba̱ si̱ cat swan swat nyinyang ma̱ng á̱ghyang á̱niet. A̱lyiak a̱byin Idoma wu ku swan di̱ niat ba̱ng si̱ tat ndyia̱ 1920 na, ma si̱ a̱hwa si̱ cok a̱tsak taada á̱niet wu ansham. Á̱niet ba byia̱ nta̱m bwak vwuon nang shap nkyang, nyian a̱yaakurusak, maat, taada khwi, ma̱ng taada a̱weang. Kuzang sot-á̱niet Idoma byia̱ a̱gwomna̱ti á̱nietkhwop-á̱niet nji, nang igabo ma̱ng Oche ba. A̱mgba̱m susot-á̱niet nswak nfeang ma̱ng a̱feang Idoma ji dundung shyia̱ a̱tafa tyok Och'Idoma (A̱gwam Idoma) wu wa, nang A̱bi̱ri̱ti̱n ba ku bai ndyo a̱ni a̱wot nggu wa si̱ yet a̱kwak a̱son A̱sorong Taada wu mi̱ fam Idoma hu.