Ji̱njok Ma̱sa̱t

Maba̱ta̱do

Fantswam

Gworog

Sholyia̱

Takad

Tyeca̱rak

Tyuku

Á̱ lyuut ati̱kut wuni di̱n Tyap Maba̱ta̱do ja (Maba̱ta̱do)

ji̱njok Ma̱sa̱t

taxon

Tafa	useful plant
Byia̱ ta̱m	medicinal plant
Á̱kum a̱lyoot	C. arietinum
Taxon name	Cicer arietinum
Taxon rank	species
Parent taxon	Cicer
This taxon is source of	chickpea
Taxon range	Caina, Tibet Autonomous Region
GRIN URL	https://npgsweb.ars-grin.gov/gringlobal/taxonomydetail.aspx?id=10535

Cicer arietinum noir – MHNT

Ji̱njok Ma̱sa̱t ji (Cicer arietinum) yet tangka̱i ji̱njok hwa nang á̱ cyui kuzang a̱lyia̱ a̱ni ku shyia̱ di̱ kwai Fabaceae, a̱bakwai Faboideae, á̱ kap mat zwá nji ji nang á̱ yaan a̱ni. Á̱ ngyei ntangka̱i nvwuon nji na gi̱ram gi̱ram Benggali, garbanzo, ku ji̱njok ga̱ri̱banzo. Ji̱ yet tangka̱i ji̱njok ja nang á̱ ku tsa kap neet mi̱ gbangbang, a̱wot zop zi̱zop archaeology si̱ tyai nyia̱ á̱ ku tsa lyen nji di̱ fam Suriya hwa.

Ji̱njok Ma̱sa̱t ji nhyat ma̱ng pi̱rotin. Ji̱ si̱ yet a̱tsatsak kyang weang kyayak di̱ nfam Meditaroniya ma̱ng A̱ka̱wa̱tyia̱-A̱tyin Swanta na, á̱ tyei nji mi̱ hummut, a̱wot, ka̱nang á̱ si̱ dyam a̱sa̱khwot a̱ si̱ kwang tazwa-tazwa ma̱ng a̱ki̱kan ma̱ng nkyangshita, á̱ ni̱ kaat konkwong ma̱ng a̱nji nang á̱ ngyei falafet a̱ni. Ji̱ bu yet a̱tsatsak kap a̱weang Ndya wa, nang á̱ tyei mi̱ salat ma̱ng niung, mbeang sunswam. Ma̱ a̱lyia̱ 2022, a̱byin Ndya kya ku kap %75 a̱mgba̱m ji̱njok MA̱sa̱t Swanta wu.