Joop Berkhout
|
Á̱ lyuut ati̱kut wuni di̱n Tyap Maba̱ta̱do ja (Maba̱ta̱do) |
| Sot mbyin | a̱sam  |
|---|---|
| A̱byin mbyin | Kingdom of the Netherlands, Naijeriya |
| A̱lyoot nang á̱ ku tyia̱ nggu | Joop |
| A̱lyoot kyangbwak | Berkhout |
| A̱tuk mbyin | 31 Zwat Tsat 1930 |
| A̱keang mbyin | Amsterdam |
| A̱tuk kwi | 10 Zwat Sweang 2025 |
| A̱keang kwi | Ibadan |
| Lilyem a̱ lyen lyiat, lyuut ku tyia̱ bwak ma̱ng a̱nhu a̱ni | Shong, Dot, Shong Kaswuo, A̱ghwangkpang (a̱lyem) |
| Ta̱m | publisher |
Joop Jozef Berkhout (Zwat Tsat 31, 1930 – Zwat Sweang 10, 2025) ku yet a̱tyushei-nkwaa̱mbwat A̱dot–Naijeriya wa. Nggu wa ku yet Okun-Borode Ile Ife. Nggu wa ku yet a̱son a̱gba̱ndang a̱kwak-a̱son Evans Brothers Limited mami Naijeriya, ma̱ng a̱son a̱kpancuk bot Spectrum Books (ba̱ng si̱ tat a̱lyia̱ 2008), mbeang Safari Books Limited, Ibadan, Naijeriya.[1][2][3]
Da̱won ma̱ng tat-a̱pyia̱
[jhyuk | jhyuk a̱tyin ka]Á̱ ku byin Berkhout a̱tuk mam 31 mi̱ Zwat Tsat a̱lyia̱ 1930, ma̱ a̱keang A̱mta̱dam, ma̱ a̱byin Nedalan.[1] Nggu wa ku yet a̱shushyuo wu a̱mgba̱m mi̱ mman á̱nietmbyin nggu na a̱wot kyangbwak Katolika hwa ba̱ ku byia̱. Jen A̱gba̱ndang Swuoa̱bung Swanta ji (1929–1939) ku tyia̱ kyangbwak nggu hu shyei swat hu neet mi̱ A̱mta̱dam si̱ naat a̱keang IJmuiden nang gu ku yet ndyia̱ a̱naai. Di̱n jen a̱ja, a̱bwuanng fotet a̱tyia̱ nggu wu ku swuoa̱bung ba̱t mi̱ A̱mta̱dam.[4]
Tsi̱tsak a̱lyia̱ 1937 ma̱ng 1943, Berkhout si̱ cong A̱lifang Pi̱raimari Sen Lushya, mi̱ Haarlem, a̱wot tsi̱tsak a̱lyia̱ 1943 naat 1948, A̱lifang Sen Yerun. Ca̱caat ma̱ng a̱lyiat nang gu ku kwok á̱nietkwoknkhang Punch Nigeria na, ku nang Zwang Swanta II ji ku bai kpa̱mkpaan ma̱ng a̱vwuonswat kyangbwak nggu ka bah mi̱ Holan, ba̱ng si̱ tat mi̱ jen ji gu nwuo ndyia̱ 10, kyangbwak nggu hu ku swuoa̱bung mat nji. A̱ si̱ jhyung si̱sak nang zwang ji ku bai ma̱ng kyangbwak nggu hu ma̱ng á̱ghyang á̱niet zong ma̱ng kan a̱lahyia̱. A̱ si̱ mbeang nyia̱ a̱ ku nwai shyia̱ a̱wat nat a̱gba̱ndang a̱vwuofang, a̱wot nang nfi̱ng á̱niet nghyáng ma̱ a̱di̱di̱t, a̱ kai a̱byin Nedalan a̱ si̱ ghwon mat cat kyang nyia̱, ka̱ a̱kwonu a̱kya.[4]
Ya̱fang
[jhyuk | jhyuk a̱tyin ka]- ↑ 1.0 1.1 Ghyuap di̱n tyan: Invalid
<ref>tag; no text was provided for refs namedBD - ↑ Anwar, Auwalu (2019). Politics as Dashed Hope in Nigeria. Ibadan: Safari Books Ltd. p. xxvi. ISBN 978-978-55986-4-3. Retrieved Zwat Sweang 13, 2025.
- ↑ Adeolu, Adebayo (2017). Olusegun Obasanjo [Nigeria's Most Successful Ruler (1960-2015)]. Ibadan: Safari Books Ltd. ISBN 978-978-54785-2-5. Retrieved Zwat Sweang 13, 2025.
- ↑ 4.0 4.1 Utebor, Simon (Zwat Nyaai 18, 2020). "ICYMI: I don't believe heaven, hell exist — Berkhout, 90-year-old Dutchman who has spent 54 years in Nigeria". Punch Nigeria. Retrieved Zwat Sweang 13, 2025.