Khap-á̱pyia̱ zan ma̱ng a̱shyim-á̱niet

Maba̱ta̱do

Fantswam

Gworog

Sholyia̱

Takad

Tyeca̱rak

Tyuku

Á̱ lyuut ati̱kut wuni di̱n Tyap Maba̱ta̱do ja (Maba̱ta̱do)

Khap-á̱pyia̱ zan ma̱ng a̱shyim-á̱niet

Tafa	discrimination

Khap-á̱pyia̱ zan ma̱ng a̱shyim-á̱niet, ku khap a̱shyim-á̱niet ku tyei a̱shyim-á̱niet nsum, fa tangka̱i zook hwa ku maai doot tsi̱tsak á̱niet da̱ndi ba ma̱ng mba ba̱ nwuan nyia̱ ba̱ yet a̱shyim-á̱niet a̱ni, a̱wot zook jini si̱ maai doot di̱ nvak ma̱ a̱di̱di̱t kuzatuk, nang da̱ a̱lyiat, mi̱ taada, da̱ a̱vwuonta̱m, ku nkyang na̱ byia̱ a̱ka̱ta ma̱ng tungzwa.

Nta̱ngka̱i nkyang nani ni̱ ndoot mi̱ za̱kwa á̱niet di̱n vak jhyuai a̱yin, kwak a̱yin nsum, lak a̱yin, mai a̱yin ma̱ng piit a̱yin, ma̱ng nvak jhyang nang á̱ maai á̱ ntyia̱ á̱niet á̱ ku byin ba̱ si̱ laai a̱ shi mi̱ da̱ndi bah nang ma̱ a̱byinkhap, ku a̱bakeang, ba̱ fi̱k nang á̱ ncat nggu a̱ni bah ma̱ a̱vwuo a̱ghyang. Za̱kwá khap-á̱pyia̱ zan jini maai tyai a̱pyia̱ nji nang da̱ a̱vwuo a̱tyonyiung ku sot-á̱niet mi̱ da̱nian a̱vwuo ka ba̱ neet a̱ni, ku mat si̱sak nang ba̱ nyian nkyang, gann, taada ku vwuon a̱di̱dam mba hu nang ba̱ tyai ku si̱ vwuon ma̱ng si̱sak nang a̱tyuda̱nfi wu ku á̱nietda̱ndi ba nyia̱ a̱ni. Á̱ maai á̱ ghai za̱kwa jini nang tangka̱i ta̱dyuut a̱taada hwa a̱ni.

A̱shyim-á̱niet mi̱ da̱ndi

Nkyangbwak a̱shyim-á̱niet ba̱ swan da̱ndi ku saai ntangka̱i a̱yaataada nghyang, si̱ ku tyia̱ a̱bataada a̱ghyang ka̱ tsa a̱ni a̱wot ta̱ngka̱i a̱hwa ni̱ labeang ba̱t di̱n-ce di̱n-ce