Lawrence Haruna
|
Á̱ lyuut ati̱kut wuni di̱n Tyap Maba̱ta̱do ja (Maba̱ta̱do) |
A̱gwam Lawrence Ka̱je Bisan Haruna (byin a̱tuk mam 2 Zwat Tsat 1959) wa yet A̱gwam-a̱keang Sagwaza (2024 - a̱fwun). Nggu wa ku san tyok hu mbwak A̱gwam A̱wudu Shyia̱mang nang gu saan a̱ni.[1]
Da̱won, tat-a̱pyia̱ ma̱ng a̱kariya
[jhyuk | jhyuk a̱tyin ka]Á̱ ku byin Lawrence a̱tuk mam 2 kya mi̱ Zwat Tsat a̱lyia̱ 1959 a̱ ma A̱tyoli Bisan Haruna. A̱yang nggu wa ku yet A̱yang-a̱li Nyia̱ Kwasa̱u. Á̱ ku byin nggu mi̱ Kanai Mali hwa.
A̱ ku tsa fang hu A̱malifang Pi̱raimari Sagwaza ma̱ a̱lyia̱ 1969, a̱wot a̱ si̱ tat tutu tat a̱ja, a̱wot di̱n jen a̱ja, kyangbwak hu si̱ shyei a̱ nat A̱byi (Jhyuo: Du̱byyi). A̱ja̱u, a̱tyia̱ nggu wu si̱ kyiak nggu tyia̱ mi̱ LGEA La̱mba 7, Zonkwa ma̱ a̱lyia̱ 1971. A̱ja wa gu si̱ ngaan fang pi̱raimari nggu hu a̱ si̱ shyia̱ kwaa̱mbwat tyiai pi̱raimari hu a̱ja̱u ma̱ a̱lyia̱ 1976. A̱gwam Lawrence si̱ ya a̱son ma̱ng fang hu a̱ si̱ nat Kwoleji Á̱nietntyiet Ka̱duna (Shong: Kaduna Teachers' College) ji (1984-1987), a̱ si̱ shyia̱ mak myiam ta̱m a̱tyutyiet hu ma̱ a̱lyia̱ 1995 ma̱ng a̱gwomna̱ti ba. Neet a̱ja, a̱ si̱ shyia̱ si̱ tsa fang NCE part-time (1996-2000), a̱ si̱ tyak ma̱ng Nigerian Certificate in Education. A̱ fwung ta̱m hu ma̱ng a̱gwomna̱ti ma̱ a̱lyia̱ 2019 kya.[2]
Tyok
[jhyuk | jhyuk a̱tyin ka]Kyangbwak Makuzalyen hu si̱ kup nggu tyok yet A̱gwam-sot ma̱ a̱lyia̱ 2023. Di̱n jen a̱ja, nggu wa ku yet a̱kwak-a̱son Vigilante Group of Nigeria mi̱ Fam Kanai hu. Mi̱ Zwat Nyaai ma̱ a̱lyia̱ 2024, á̱ si̱ kup nggu tyok yet A̱gwam-a̱keang Sagwaza wu.[2]