Maggie L. Walker
|
Á̱ lyuut ati̱kut wuni di̱n Tyap Maba̱ta̱do ja (Maba̱ta̱do) |
| Sot mbyin | a̱nap  |
|---|---|
| A̱byin mbyin | Muná̱pyia̱ Sí̱tet A̱merika |
| A̱lyoot nang á̱ ku tyia̱ nggu | Maggie |
| A̱lyoot kyangbwak | Walker |
| A̱tuk mbyin | 15 Zwat A̱natat 1867 |
| A̱keang mbyin | Richmond |
| A̱tuk kwi | 15 Zwat Swak ma̱ng Sweang 1934 |
| A̱keang kwi | Richmond |
| A̱vwuoniat | Evergreen Cemetery |
| Ta̱m | banker, suffragist |
| Nwap | African Americans |
Maggie Lena (ma mbyin Draper Mitchell) Walker (Zwat A̱natat 15, 1864 – Zwat Swak ma̱ng Sweang 15, 1934) ku yet a̱tyubwuang ma̱ng a̱tyutyiet A̱merika wa. Ma̱ a̱lyia̱ 1903, Walker si̱ yet a̱son A̱tyofi̱rik-A̱merika a̱ na ri̱jita a̱lisaainkurum ma̱ng a̱son A̱tyofi̱rika-A̱merika a̱ na ngyet a̱kwak-a̱son a̱lisaainkurum a̱ni.[1] Nang a̱kwak-a̱son, Walker si̱ ya-a̱ywan ma̱ng a̱ma̱bwoi mban shyicet Á̱nietafi̱rika-A̱merika hu. Nang gu kwop a̱ni a̱ si̱ ki ngyet a̱tyu ta̱kuk nkap a̱wot á̱ si̱ ta̱bat kyiak nggu di̱ cuk-keke. Walker bu jhyi nvak na nang á̱niet ta̱luk nkap ba na shyia̱ beang a̱ni.
Dundung ma̱ng ta̱m yet a̱kwak-a̱son Independent Order of St. Luke, Maggie Walker bu shyia̱ di̱ susot NAACP, The National Association of Colored Women, National Urban League mbeang National Negro Business League, ma̱ng United Order of Tents ji.[2]
A̱gwomna̱ti A̱merika ba si̱ shai a̱li Walker ka nang á̱ bu jhyi á̱ tyia̱ nkyang nyuo nfai a̱mami di̱ hyia̱k Jackson Ward nkhang hu a̱ni ma̱ a̱keang Richmond, Virginia, á̱ tyia̱ ka̱ yet A̱vwuo Nkhang A̱byin, a̱wot sot National Park Service ji ja nwuan a̱li a̱kya.
Da̱won
[jhyuk | jhyuk a̱tyin ka]Á̱ ku byin Maggie Lena Draper ma̱ a̱tuk mam 15 Zwat A̱natat a̱lyia̱ 1864 kya, a̱ si̱ yet nggwon Elizabeth Draper ma̱ng Eccles Cuthbert.[3][4][lower-alpha 1] A̱yang nggu wu, a̱khwukhwop a̱khwo, ku yet byiek a̱tyuweang ja ma̱ a̱ka̱sa ma Van Lew na mi̱ Church Hill ma̱ a̱keang Richmond, Virginia, a̱vwuo ka nang gu ku myim ma̱ng Cuthbert a̱ni, a̱tyukwok-nkhang New York Herald a̱ yet Atyu-ayi̱rit-A̱merika, mi̱ Virginia. Á̱ ku nwai lyuut á̱ sak nkhang nyeang Draper ma̱ng Cuthbert.[3][2]: {{[[Template:{{{1}}}|{{{1}}}]]}} Draper ku nyia̱ ta̱m ma̱ng Elizabeth Van Lew wa, a̱tyunvwuong a̱bwuanng a̱khwo a̱ bu ngyet a̱tyubeangá̱niet a̱nyan wa ku yet a̱bang-a̱byin sot Muna̱pyia̱ ji di̱n jen Zwang Á̱niet-a̱byin ji (1861–1865) ma̱ a̱keangtung Munswat Richmond ka.[3][2]: {{[[Template:{{{1}}}|{{{1}}}]]}} Draper si̱ nyeang William Mitchell, a̱khwo a̱ghyang ma̱ a̱ka̱sa ma Van Lew na, lyilyim byin Maggie Walker hu. Ma̱ a̱lyia̱ 1870, á̱ si̱ byin Johnnie Mitchell, a̱na̱nyiuk Maggie wu a̱mafa a̱fi̱p a̱yang nggu wu, a̱mali Elizabeth ma̱ng William Mitchell.[3]
Ya̱fang
[jhyuk | jhyuk a̱tyin ka]- ↑ Ghyuap di̱n tyan: Invalid
<ref>tag; no text was provided for refs namedNPS Walker - ↑ 2.0 2.1 2.2 Marlowe, Gertrude Woodruff (2003). A Right Worthy Grand Mission: Maggie Lena Walker and the Quest for Black Economic Empowerment. Howard University Press. ISBN 0882582119.
- ↑ 3.0 3.1 3.2 3.3 3.4 Ghyuap di̱n tyan: Invalid
<ref>tag; no text was provided for refs namedEncyclopedia-Virginia - ↑ "Maggie Mitchell (Magie Mitchel)", U.S. Federal Census, Washington, D.C.: National Archives and Records Administration, 1870,
She was six years old in 1870, living in Richmond, Virginia with William and Lizzie Mitchell and Johnnie Mitchell
- ↑ "Maggie L. Mitchell and Armistead Walker Jr.", Virginia, Marriages, 1785–1940, Salt Lake City, Utah: FamilySearch, 2013
Ghyuap di̱n tyan: <ref> tags exist for a group named "lower-alpha", but no corresponding <references group="lower-alpha"/> tag was found