Niyung (kyayak)
|
Á̱ lyuut ati̱kut wuni di̱n Tyap Maba̱ta̱do ja (Maba̱ta̱do) |
| Tafa | kyayak  |
|---|---|
| Yet kap | Algerian cuisine, Russian cuisine, Ukrainian cuisine, French cuisine |
| Yet a̱ci̱t | appetizer |
| Si̱ a̱ ntung a̱ni yet | plat de relevé |
| Hashtag | soup |
Niyung(
fa̱k) yet a̱jojot kyayak wa nang á̱ ya nggu ma̱ng shut ki ma̱ng shwai a̱ni (di̱n jen jhyang ma̱ng shyim), á̱ ni̱ jhyi di̱n vak kyiai nkyang-a̱weang nang nam, ki a̱kikyuo ma̱ng a̱khwot-fa̱n, a̱baan ki a̱sa̱khwot. Á̱ shyiat a̱gba̱gbai niyung wa ka̱ á̱ wan a̱bakpa̱u nkyang-a̱weang na ma̱ng kyang ku yet jojot a̱ni a̱ma̱la̱n á̱ ka ghwut ma̱ng nyinyang nna hu ka̱ ba̱ kyiai. Ka̱ niyung li nang stew ja a̱ni di̱n jen jhyang á̱ si̱ nkhap mba a̱feang ka bah, kang a̱nia wu niyung li jojot di̱ stew.
Di̱ taada a̱weang A̱fi̱ransa, á̱ khap a̱ka̱niyung di̱ cicet susot nfeang: a̱sa̱ra̱i niyung ma̱ng a̱ki̱p niyung. A̱ka̱niyung na̱ shyia̱ mi̱ sot a̱sa̱ra̱i niyung a̱ni yet boullon ma̱ng consommé. A̱ki̱p niyung khap di̱ susot nkyang-a̱weang nang á̱ ngwan nhu a̱ni: pursées yet niyung a̱kikyuo bya nang á̱ tyei ku li ki̱p ma̱ng starch a̱ni; Á̱ jhyi niyung bisques ma̱ng a̱ghyighyak-fa̱n puréed ki a̱kikyuo á̱ kyiai ma̱ng hya̱u a̱ni; á̱ tyei niyung hya̱u ku li ki̱p ma̱ng a̱cyi-nywan, bota ma̱ng hya̱u.