Oyibo Rebel

Maba̱ta̱do

Fantswam

Gworog

Sholyia̱

Takad

Tyeca̱rak

Tyuku

Á̱ lyuut ati̱kut wuni di̱n Tyap Maba̱ta̱do ja (Maba̱ta̱do)

Oyibo Rebel
A̱lyoot mbyin	Fares Boulos
Á̱ ka ndyen nggu nang	Farastafarian
Byin	Houston, Texas, M.S.
A̱vwuoneet	Legwot, Nigeria
Ntangka̱i-bubwom	Afrobeats A̱ghwangkpang rap
Kyangtsot	a̱nwuat
Ndyia̱ nta̱m	2012–a̱fwun

Fares Boulos, á̱ ndyen nggu nang Oyibo Rebel, yet a̱tyubwom ma̱ng a̱tyumaat Lebanon-A̱merika wa a̱ swan mi̱ Legwot, Naijeriya a̱ni. A̱ ku cyok ma̱ng a̱bwomtsot nang gu kyiai Afrobeats ma̱ng rap mbeang swáng a̱lyiat A̱ghwangkpang mami. A̱ yet a̱na̱nyiuk Michael Boulos wa.

A̱son shyicet

Á̱ ku byin Fares Boulos mi̱ Houston, Texas. A̱tyia̱ nggu wu a̱ yet A̱tyulebanon a̱ni, Massad Boulos, yet a̱tyubwuanng wa mi̱ Naijeriya, a̱wot a̱yang nggu wu a̱ yet A̱tyufi̱ransa a̱ni, Sarah Boulos, nggu wa ku kpaat sot Society for the Performing Arts in Nigeria (SPAN) ji. Ma̱nang gu ngyet ndyia̱ a̱fwuon a̱ni, Boulos si̱ shyei a̱ nat mi̱ Legwot, Naijeriya, a̱vwuo ka nang gu ku cong American International School of Lagos dundung ma̱ng á̱na̱nyiuk nggu ba.

Ca̱caat ma̱ng a̱lyiat Boulos na, a̱ ku wa̱i shyei mba hu nat mi̱ Legwot nang kyang tyiri̱m taada hwa. A̱ ku myiam lyiat di̱ lilyem Shong Kaswuo Naijeriya ma̱ng A̱ghwangkpang a̱wot a̱ lyen lyiat ma̱ng á̱niet nang gu laai a̱ shi ma̱ng lilyem a̱hwa. A̱ sii du nat mban lyen nggu hu mi̱ Los Angeles, Kalifoniya, a̱vwuo ka nang gu ku myiam liberal arts ma̱ng tyei á̱ghyi mi̱ maat a̱ni. Lyilyim ma̱ng a̱nia, a̱ si̱ shyei a̱ nat mi̱ London gu tyak di̱gi̱ri master’s nggu, ma̱ng tyei á̱ghyi mi̱ maat mbeang naat mbwuot gwai nfwuo-á̱niet.