Shi Ji̱mping

Maba̱ta̱do

Ca̱crak

Fantswam

Gworog

Sholyia̱

Ta̱kad

Tuku

Á̱ lyuut ati̱kut wuni di̱n Tyap Maba̱ta̱do ja (Maba̱ta̱do)

Shi Ji̱mping

a̱tyubishyi

Sot mbyin	a̱sam
A̱byin mbyin	Caina
A̱lyoot da̱ a̱lyem mbyin	习近平
A̱lyoot mbyin	习近平
A̱lyoot nang á̱ ku tyia̱ nggu	Jinping
A̱lyoot kyangbwak	Xi
A̱tuk mbyin	15 Zwat A̱taa 1953
A̱keang mbyin	北京
A̱tyia̱	Xi Zhongxun
A̱yang	Qi Xin
A̱tyunswat	Peng Liyuan, Ke Lingling
Nggwon	Xi Mingze
Relative	Deng Jiagui, Zhang Lanlan, Ke Hua, Zhang Yannan
Lilyem a̱ lyen lyiat, lyuut ku tyia̱ bwak ma̱ng a̱nhu a̱ni	Mandarin, Chinese
A̱lyem lyuut	Simplified Chinese
Mali a̱yaatyia̱	Fuping County
Ta̱m	statesperson, a̱tyukwainfwuo-á̱niet, President of the Republic
Fam nta̱m	politics
A̱kwok nta̱m	National People's Congress
Cuk ji a̱ ku ba̱ng a̱ni	General Secretary of the Chinese Communist Party, member of the Politburo of the Chinese Communist Party, member of the Politburo Standing Committee of the Chinese Communist Party
A̱ ku nat fang hu ma̱	Tsinghua University, Beijing Bayi School, Beijing 101 Middle School
Academic degree	Doctor of Juridical Science
A̱vwuonswat	北京
A̱vwuonta̱m	北京
Memba sot kwai-nfwuo-á̱niet	Chinese Communist Party
Candidacy in election	18th Central Committee of the Chinese Communist Party, 19th Central Committee of the Chinese Communist Party, 20th Central Committee of the Chinese Communist Party
Khwi ku nwuan-ta̱cya̱	Ci A̱gwaza
Hair color	black hair
A̱sa̱khwot a̱li	a̱dyundyung
Ku yet kap	2017 SCO Summit, 2018 Qingdao SCO summit, APEC Indonesia 2013
Military, police or special rank	commander-in-chief
Sa a̱khwot a̱kwop	People’s Liberation Army
List of works	General Secretary Xi Jinping important speech series
Magnum opus	General Secretary Xi Jinping important speech series, Zhi Jiang Xin Yu
Authority	Xi Jinping's CCP as General Secretary
Yet kap nsot	Politburo Standing Committee of the Chinese Communist Party, Politburo of the Chinese Communist Party, Xi Jinping–Li Keqiang Administration, Xi Jinping's CCP as General Secretary
Nyian tyok tazwa	Vésuve de Brekka
Significant event	Panama Papers, Open Letter asking Xi Jinping to Resign
Byia̱ lyulyoot	list of awards and honours received by Xi Jinping

 

 Neet mi̱ Wukideita

Shi Ji̱mping ku Xi Jinping (byin 15 Zwat A̱taa 1953) yet a̱nietkhwop-a̱niet ma̱ng a̱tyukwainfwuo-á̱niet a̱byin Caina, a̱nyan wa si̱ yet a̱kwak a̱son shan a̱byin a̱fwuon Ga̱maá̱niet Á̱niet Caina wu a̱ni. A̱ ku ba̱ng cuk a̱gba̱ndang a̱tyulyuut Sot-kwainfwuo-á̱niet Komyunit Caina ji (CCP) ma̱ng si̱ a̱kpangcuk Komisha̱n A̱khwot-Á̱kwop A̱ka̱wa̱tyia̱ a̱si̱ Sot Kwainfwuo-á̱niet ji neet ma̱ a̱lyia̱ 2012, ma̱ng cuk A̱kwak A̱son A̱byin Caina mbeang cuk a̱kpangcuk Komisha̱n A̱khwot-Á̱kwop A̱ka̱wa̱tyia̱ A̱byin ji neet ma̱ a̱lyia̱ 2013.

Nggu wa yet nggwon-a̱sam a̱ni̱nap ka mi̱ nyeang nfeang Shi Jungshyun ma̱ng Ci Shin, a̱wot á̱ kyiak Shi nang a̱fai a̱gwam wa a̱ni ma á̱ ku lyiat ba̱t tazwa si̱ a̱hwa bah di̱n tsa ba̱ng cuk nggu hu. Nang fi̱ng nggwoseam a̱ni, á̱ nyia̱ a̱tyia̱ nggu wu kyang ku yet a̱ni bah, a̱wot á̱ si̱ ta̱m nggu nat a̱bakeang Lyangjiyahe, mi̱ Shaanshi, di̱n jen Tyeizat A̱taada ji. A̱ si̱ swan ma̱ a̱vwuo a̱ghyang á̱ ngyei yawodong a̱ja a̱ni, a̱ si̱ nwuo mi̱ sot CCP ji a̱ni, lyilyim nang gu ku nkwan mi̱ kwan di̱ mi̱n ya a̱ywan a̱ni, a̱ si̱si̱ ba̱ng cuk a̱tyulyuut sotkwainfwuo-á̱niet mali ji. Nang gu sii du fang bwokntswam kemikat ma̱ Yunuvasi̱ti Tsi̱nghwa hu a̱ni nang nggwonmyiam a̱ yet a̱tyunta̱m-a̱tyukhap-a̱khwot a̱kwop a̱ni, Shi si̱ mban shi mi̱ sot kwainfwuo-á̱niet ji. A̱ si̱ ba̱ng cuk gwomna Fujiyan ji kyiak neet ma̱ a̱lyia̱ 1999 ba̱ng si̱ tat a̱lyia̱ 2002 a̱ sii du ba̱ng cuk gwomna ma̱ng a̱tyulyuut sotkwainfwuo-á̱niet si̱ Jejyang ji kyiak neet ma̱ a̱lyia̱ 2002 ba̱ng si̱ tat a̱lyia̱ 2007. Ma̱ a̱di̱dei njen, Shi si̱ yet a̱ci̱t a̱tyulyuut sotkwainfwuo-á̱niet Shang-Hai wu, Cen Lyangyu, nang á̱ ku tyia̱ nsum a̱ni ma̱ a̱lyia̱ 2007, ma̱ a̱lyia̱ a̱kya kya nang gu si̱ nnwuo mi̱ Komiti Yong Politburo ji a̱ si̱si̱ yet memba ntsa a̱ byia̱ shi mi̱ Nok hu. Á̱ si̱ khai nggu a̱ yet Byiek A̱kwak A̱son A̱byin ma̱ a̱lyia̱ ma̱ a̱lyia̱ 2008 ma̱ng byiek a̱kpangcuk sot CMC ji ma̱ a̱lyia̱ 2010, a̱ si̱ yet ci̱t Hu Jintawo nang a̱kwak a̱son a̱byin Caina ma̱ a̱lyia̱ 2012, a̱ si̱ bai yet a̱son a̱kwak a̱son shan a̱byin á̱ na byin lyilyim kpaat Ga̱maá̱niet Á̱niet Caina hu a̱ni.