Sot Byi̱k Sot-á̱niet A̱tyap

Maba̱ta̱do

Fantswam

Gworog

Sholyia̱

Takad

Tyeca̱rak

Tyuku

Á̱ lyuut ati̱kut wuni di̱n Tyap Maba̱ta̱do ja (Maba̱ta̱do)

A̱sorong Byi̱k Sot-á̱niet A̱tyap

organization

Kpaat	4 Zwat Swak 1989
A̱byin	Naijeriya
A̱gbang tyantung	Mawukili
Intended public	A̱byintyok A̱tyap

Sot Byi̱k Sot-á̱niet A̱tyap ji (Shong: Atyap Community Development Association, ACDA), yet sotnta̱m cam-taada ja nang á̱ kpaat á̱ mban á̱ li̱n-a̱ma nkyang na na̱ byia̱ a̱ka̱ta ma̱ng A̱tyap a̱ni di̱ fam A̱tak Ka̱duna, Naijeriya. Á̱ ku tsa yei sotnta̱m jini "Kataf Youth Development Association" (KYDA) neet ma̱ a̱lyia̱ kpaat ka ma̱ a̱lyia̱ 1989, a̱wot á̱ si̱ ba̱ shai a̱lyoot ka ma̱ a̱lyia̱ 2010 si̱ nat a̱lyoot a̱fwun ka.

Kuntyin

Ca̱caat ma̱ng a̱lyiat A̱kwak A̱son A̱byin wu, Dokto Sa̱mwila A̱cyia̱, ma̱ a̱lyia̱ 2023, á̱ ku ri̱ji̱ta sot-nta̱m ji nang a̱tyentyang sotnta̱m wa nang a̱gwomna̱ti Naijeriya shim ndyo a̱ni ma̱ a̱tuk mam 4 mi̱ Zwat Swak a̱lyia̱ 1989, ma̱ng a̱lyoot ka Kataf Youth Development Association (KYDA) ma̱ng la̱mba lasi̱n 5562. Á̱ si̱ bu ri̱ji̱ta ma̱ng sot Corporate Affairs Commission, mi̱ A̱buja, a̱tuk mam 24 Zwat Jhyiung 2010, ma̱ng a̱lyoot a̱ghyang, Atyap Community Development Association ma̱ng la̱mba lasi̱n CAC/11/No 36929. Sot ACDA si̱ byia̱ si̱sa ma̱ a̱mgba̱m sí̱tet 36 Naijeriya ji bi̱ri̱ng ma̱ng FA̱M hu, mbeang bibyin nta swanta hu.