Ta̱du tsung-a̱byin

Maba̱ta̱do

Ca̱crak

Fantswam

Gworog

Sholyia̱

Ta̱kad

Tuku

Á̱ lyuut ati̱kut wuni di̱n Tyap Maba̱ta̱do ja (Maba̱ta̱do)

ta̱du tsung-a̱byin

Tafa	landform, shallow

 

 Neet mi̱ Wukideita

Tat-a̱pyia̱-lyen-vam tadu tsung-a̱byin si̱ khwong a̱tak-a̱tyin A̱byin Badundung A̱merika hu

Ta̱du tsung-a̱byin hu (á̱kpa: nta̱du tsung-a̱byin na) yet a̱kpa tsung-a̱byin wa a̱ ta̱lyip a̱tafa a̱vwuo ka̱ byia̱ a̱sa̱khwot ku myiai gyan, nang á̱ ngyei kyai a̱sa̱khwot ta̱du a̱ni. A̱di̱di̱t nta̱du nani ku swuoa̱bung ma̱ng corop shi kyai a̱sa̱khwot ma̱ a̱ka̱cak njen taan na. Á̱ ngyei ta̱du hu ku keang sa̱khat-a̱byin "ta̱du sa̱khat-a̱byin."

A̱nu tsung-a̱byin ka, tsi̱tsak ta̱du tsung-a̱byin ji ma̱ng a̱tai-a̱byin a̱tafa wu, byia̱ a̱kpa̱ra̱p tsung-a̱byin a̱ byia̱ a̱gyingyang a̱ni, a̱wot a̱ya̱ngam tsung-a̱byin a̱ myiai dadaa a̱ swak a̱ni wa si̱ keang nggu, ma̱nang a̱ti̱ti̱t a̱ neet mi̱ tswazwa tsung-a̱byin ka ni̱ tyong a̱ corop a̱kpa̱ra̱p wu si̱ bai swan ma̱nang a̱bap a̱ti̱ti̱t a̱ni ma̱ a̱tyin a̱kpa̱ra̱p wu. Si̱ huni ngeang a̱ tat km 500 (met 310) neet ma̱ a̱kpa̱ra̱p wu, a̱wot ku si̱ byia̱ a̱tutuk a̱ti̱ti̱t nang ywan-a̱sa̱khwot bwang ku neet mi̱ ta̱du hu ma̱ng a̱kpa̱ra̱p wu a̱ni ku bap a̱ni. Shi a̱ban ma̱ng a̱kpa̱ra̱p a̱ya̱ngam tsung-a̱byin hu shyia̱ tsi̱tsak shi a̱kpa̱ra̱p ma̱ng ta̱du hu hwa.

Mi̱ Shim Muna̱pyia̱ Bibyin Swanta tazwa Cam Kyai A̱sa̱khwot hu, á̱ ku wa̱i a̱lyoot ta̱du tsung-a̱byin ka ma̱ng wa̱i fak-a̱lyiat hwa nang a̱swap a̱gbaat kyai a̱sa̱khwot a̱ shyia̱ kpa̱mkpaan ma̱ng khwong a̱byin a̱ghyang ka̱ byia̱ nhu a̱ni.