Ta̱mpi̱let:WatnZwatHu/Zwat Swak ma̱ng Jhyiung 2025
Zwunzwuo-a̱lyem A̱helen yet ji yet vak lyuut a̱lyem Helen hwa.
Á̱ wa ka̱n dyen nyia̱ zwunzwuo-a̱lyem A̱helen ji ku neet mi̱ zwunzwuo a̱lyem Fi̱ni̱kya ji ja. Lyen huni neet mi̱ lyulyoot zwunzwuo-a̱lyem huhwa. Á̱ ni̱ ya fwuang tazwa jen ji nang á̱ ta̱bat nyia̱ ta̱m ma̱ng zwunzwuo-a̱lyem ji ca̱caat, a̱wot a̱lyiat á̱niet nzop nyia̱ a̱di̱dam ku na yet sa̱ncuri a̱ni̱nai ndbK wu wa. Mat di̱n jen ji á̱ ku lyuut lyuut Helen ku yet a̱khwukhwop a̱ swak a̱ni, á̱ ku mbyia̱ zwunzwuo-a̱lyem ji̱ tyia̱ ca̱caat ma̱ng si̱ Fi̱ni̱kya ji da̱ a̱ka̱nyiung. Zwunzwuo-a̱lyem A̱helen ji ja ku yet a̱son ka nang á̱ na nta̱bat byia̱ a̱yaatsa̱ntsai a̱ni.
Ma̱nini, a̱ sii fi̱k nang Gabii wa ku ta̱taat lyuut hu ku yet a̱khwukhwop a̱ swak a̱ni da̱ a̱vwuo lung nkyang gbangbang ka á̱ ngyei Osteria dell'Osa a̱ni. Á̱ ku fa nyia̱ lyuut huni, ku tak ΕΥΛΙΝ ku ΕΟΛΙΝ, á̱ ku lyuut nhu nang a̱lyia̱ 775 ndbK kya.