Yunuvasi̱ti Nok A̱khwee

Maba̱ta̱do

Fantswam

Gworog

Sholyia̱

Takad

Tyeca̱rak

Tyuku

Á̱ lyuut ati̱kut wuni di̱n Tyap Maba̱ta̱do ja (Maba̱ta̱do)

Yunuvasi̱ti Nok, A̱khwee

yunuvasi̱ti, school

Kpaat	2020
A̱byin	Naijeriya
Shyia̱ di̱ fam tyok a̱byin	Si̱tet Ka̱duna, A̱tak Ka̱duna
A̱vwuo	Ka̱duna
Coordinate location	9°52′10″N 7°58′35″E
Official website	https://nuk.org.ng/

Yunuvasi̱ti Nok A̱khwee (Shong: Nok University Kachia, NUK), ku yet yunuvasi̱ti a̱pyia̱ hwa ma̱ a̱keang A̱khwee, a̱tak Si̱tet Ka̱duna, Naijeriya. Á̱ ku kpaat nhu ma̱ a̱lyia̱ 2021 kya nang a̱son yunuvasi̱ti nang a̱tyobyin na nok a̱ni mi̱ si̱tet ji (a̱son yunuvasi̱ti a̱pyia̱ ka kikya yet Yunuvasi̱ti Greenfield hu). Nang sot a̱gwomna̱ti ji nang á̱ ngyei EFCC ku kyiak nggu a̱tyukpaat a̱lifang wu, A̱tyoli Antoni Hasa̱n, nat A̱gba̱ndang Kotu Mundundung a̱ghyang mi̱ A̱buja, á̱ si̱ faat a̱lyiat na. Da̱, kotu hu sii du nwuak oda nyia̱ sot a̱gwomna̱ti a̱ja ji̱ yan ba̱ng nkyang na nang a̱gba̱ndang a̱lifang wu byia̱ a̱ni a̱tuk mam 1 mi̱ Zwat Jhyiung a̱lyia̱ 2022, a̱wot oda ngaan wu si̱ tyia̱ á̱ ya a̱son di̱ ba̱ng a̱mgba̱m nkyang a̱nia di̱ mi̱n bwuok ndyo a̱tuk mam 7 mi̱ Zwat A̱natat 2024. Mi̱ Zwat Sweang a̱lyia̱ 2025, a̱mgba̱m nkyang a̱lifang na si̱ bwuok mbwak A̱gwomna̱ti Mundundung na, a̱gwomna̱ti ba si̱ ki nnwuak nna á̱ kyiak ntsa a̱gba̱ndang a̱lifang a̱fai nang ba̱ ku shim ndyo a̱ni nang á̱ ngyei Yunuvasi̱ti Sayen Tyei-di̱n-ta̱m Mundundung A̱khwee a̱ni.

Sot-nta̱m

Yunuvasi̱ti Nok A̱khwee hu ku byia̱ kwaa̱mbwat-a̱ka̱wat nyian ta̱m nang sot-nta̱m tat-̱pyia̱ mami Naijeriya. Mi̱ di̱n jen nyii ji ma̱ a̱lyia̱ 2024, yunuvasi̱ti hu ku nyia̱ a̱yaakot baca̱lo di̱gi̱ri bya ma̱nyin.