Zwang á̱niet-a̱byin Sudan (2023–a̱fwun)

Maba̱ta̱do

Ca̱crak

Fantswam

Gworog

Sholyia̱

Ta̱kad

Tuku

Á̱ lyuut ati̱kut wuni di̱n Tyap Maba̱ta̱do ja (Maba̱ta̱do)

Zwang á̱niet-a̱byin Sudan (2023–a̱fwun)

attempted coup d'état, civil war

Yet kap	Sudanese transition to democracy
A̱byin	Sudan
A̱vwuo	Khartoum
A̱tsak jen	2023
Jen ntsa	15 Zwat Nyaai 2023
Participant	Rapid Support Forces, Sudanese Armed Forces

 

 Neet mi̱ Wukideita

Neet mi̱n Zwat Nyaai 2023, á̱ ku mbyia̱ zwang á̱niet-a̱byin ma̱ a̱byin Sudan tsi̱tsak a̱ca̱cet susot sweang a̱khwot á̱kwop a̱gwomna̱ti wu. Zook ji shyia̱ tsi̱tsak a̱gwomna̱ti ba nang á̱ lyen a̱mgba̱m swanta hu, nang A̱khwot Á̱kwop Sudan (SAF) wu a̱ shyia̱ mi̱ bwak Jenera Abdel Fattah al-Burhan ma̱ng sot ji ji̱ yet a̱khwot á̱khwot di̱ tityak bah nang á̱ ngyei Rapid Support Forces (RSF) a̱ni, nang Jenera Hemedti, a̱nyan wa khai a̱gba̱ndang badundung Janjaweed wu. Á̱ si̱ mbyia̱ a̱cuncong susot ji̱ kwok nkyanzwang mi̱ zwang ji meang. A̱yaat ka ku tsa a̱tuk mam 15 Zwat Nyaai a̱lyia̱ 2023 lyilyim kwan saai cet hu mi̱ a̱gwomna̱ti bang-kham ba nang á̱ kpaat nang á̱ sii du nyia̱ ta̱bwora̱p-a̱gwomna̱ti a̱lyia̱ 2021 hu a̱ni. Mi̱ da̱ a̱tuk mam 5 Zwat Sweang 2025, zook ji ku tyia̱ á̱niet milyon 12 tyong zook ji nat swan a̱suswak-ya̱khwi mi̱ ta, a̱wot á̱niet milyon 3.5 si̱ tyong a̱byin ka a̱mgba̱m, si̱ huni si̱ tyia̱ zook jini si̱ yet jhyiung mami a̱ca̱cet nzook a̱ seang á̱niet ba̱t a̱ni mi̱ nkhang mmam nani a̱ni.