A̱liza̱nda Met
A̱liza̱nda Met ku Alexander Miles (18 Zwat Tswuon 1838 – 7 Zwat Tswuon, 1918) ku yet a̱tyubwoi nkyang ma̱ng a̱tyubwuang a̱ ku yet A̱tyuafi̱rika-A̱merika wa, nang á̱ lyen mat za̱nang yet a̱tyubwoi a̱di̱dam khwut ma̱ng nyii nyinyiit a̱liveto ma̱ng a̱pyia̱ nggu. Á̱ za nwuak nggu za̱nang U.S. patent 371207 a̱tuk mam 11 mi̱ Zwat Swak a̱lyia̱ 1887 kya.
Nkhang shyicet[jhyuk | jhyuk a̱tyin ka]
Á̱ ku byin A̱liza̱nda Met (a̱tsak a̱lyoot Shong wu kikya yet "A̱lexander Miles") a̱tuk mam 18 kya mi̱ Zwat Tswuon ma̱ a̱lyia̱ 1838 mi̱ Pickaway County, Ohio,[1] mi̱ kyangbwak Mikailu ma̱ng Ma̱ryamu Met.[2] A̱ ku yet A̱tyuafi̱rika-A̱merika wa. Ka̱ doot A̱liza̱nda ku swan ma̱ a̱keang ka̱ hyia̱k si̱ nggu ka nang á̱ ngyei Chillicothe, Ohio,[3] a̱wot a̱ si̱si̱ nshyei a̱ nat Waukesha, Wisconsin, a̱vwuo ka nang gu ta̱bat nyian ta̱m nang a̱tyukwatpyia̱.[4] Ma̱nang gu sii du shyei a̱ nat mi̱ Winona, Minnesota a̱ni, a̱ si̱si̱ myim ma̱ng a̱byii̱k a̱ghyang nang á̱ ngyei A̱yang-a̱li Ka̱ndakatu J. (Shedd) Dunlap, ma La Porte, Indiana,[5] nang a̱tyoli nggu ku saan a̱ni a̱ si̱ ghwon nggu ma̱ng mman a̱feang, a̱wot a̱byii̱k wu a̱ ku yet nggwon-a̱byin New York kya a̱ni si̱ lan nggu ma̱ng ndyia̱ a̱naai. Miles dam bah, a̱ si̱ nyeang nggu a̱nia.[6] Dundung, ba̱ si̱ byia̱ nggwon-a̱nap nang á̱ ku byin ma̱ a̱lyia̱ 1876, á̱ si̱ nwuak nggu a̱lyoot Grace. Á̱ghyang á̱niet nwuak a̱cucuk nyia̱ A̱liza̱nda ku shyia̱ a̱di̱dam a̱ngga nyinyiit a̱li̱veto nggu wu di̱n jen ji nang Grace ku shyok a̱ si̱ kwa a̱byin kpa̱mkpaan ma̱ng tsuung ntswam jhyang, ku si̱ bwat nggu ma̱ a̱da̱dei gu saan a̱ni.[7] Ku labeang bah nang á̱ sii du byin nggu, kyangbwak hu si̱ shyei a̱ nat Duluth, Minnesota.[8] A̱ji, A̱liza̱nda si̱ yet a̱son A̱dyundyung memba Duluth Chamber of Commerce wu a̱wot a̱ si̱ khwuk a̱ka̱ciro kwat pyia̱ nggu wu a̱ta̱usa Hotet Sen Louis.[9][10]
Kyangbwak hu si̱ shyei a̱ nat Montgomery, Alabama ma̱ a̱lyia̱ 1889, a̱ja wa nang á̱ si̱ tyia̱ a̱lyoot A̱liza̱nda mi̱ kwaa̱mbwat a̱myim a̱keang ka nang a̱tyukwadigo a̱ni.[11]
Ya̱fang[jhyuk | jhyuk a̱tyin ka]
- ↑ 1840 Federal Census for Circle Township, Pickaway County, Ohio, w. 76.
- ↑ Death Certificate of Alexander Miles, Ancestry.com. Washington, Deaths, 1883–1960 [database on-line]. Provo, Utah, USA: Ancestry.com Operations Inc, 2009. Original data: Various county death registers. Microfilm. Washington State Archives, Olympia, Washington.
- ↑ 1850 Federal Census for Chillicothe, Scioto Township, Ross County, Ohio, w. 6.
- ↑ 1860 Federal Census for Waukesha village, Waukesha County, Wisconsin, w. 40.
- ↑ 1850 Federal Census for Galena Township, LaPorte County, Indiana, p. 231.
- ↑ 1870 Federal Census for Second Ward, City of Winona, Winona County, Canada, w. 8, lines 1–3.
- ↑ History Channel Website, 8 Black Inventors Who Made Daily Life Easier, unconfirmed
- ↑ 1880 Federal Census for St. Louis County (Minnesota) Enumeration District 92, Sheet no. 39, Lines 43–47 (2nd Avenue West, Village of Duluth).
- ↑ "Alexander Miles | Lemelson". lemelson.mit.edu. Retrieved 2021-07-19.
- ↑ "Alexander Miles: African American Inventor". www.myblackhistory.net. Retrieved 2020-06-10.
- ↑ Chicago, Illinois City Directory for 1889, (Chicago: R. L. Polk & Company, 1889) w. 1217. Ancestry.com. The U.S. City Directories, 1821–1989 (beta) [database on-line]. Provo, Utah, USA: Ancestry.com Operations, Inc., 2011. Original data: Original sources vary according to directory. The title of the specific directory being viewed is listed at the top of the image viewer page. Check the directory title page image for full title and publication information.