Nok
A̱keang Nok yet a̱bakeang kya mi̱ Sot A̱gwomna̱ti Mali Jaba a̱si̱ Si̱tet Ka̱duna, Naijeriya.[1]
Lyen a̱khwukhwop nkhang gbangbang
[jhyuk | jhyuk a̱tyin ka]Ta̱taat sangak terakota ma̱ a̱vwuo kani kikya ntyia̱ nang á̱ ta̱bat nyian ta̱m ma̱ng a̱lyoot nka ka mat Taada Nok ji, mi̱ zang ja sangak jinii ku yaa̱son mi̱ Naijeriya ma̱ a̱cak 1500 BC - 500 AD a̱ni.[1][2] Á̱ ta̱taat nkyang gbangbang na ma̱ a̱lyia̱ 1943 kya di̱ jen nta̱m lung a̱byin mat a̱tsatsak nfang.[3] A̱tyulyen a̱khwukhwop nkhang gbangbang wu Bernard Fagg ku zop tyan ji, a̱wot a̱ si̱ ki mbai shyia̱, ma̱ng beang á̱niet byina̱byin ba, nkyang gbangbang ma̱ a̱di̱di̱t njhyang.[4] Á̱ ku ma ta̱taat a̱ka̱sha̱ndong byii̱k a̱dyundyung tswam meang mami Nok.[1]
Á̱niet ku shyia̱ di̱ swuat ma̱ a̱vwuo ka gbangbang a̱zaghyi njen byii̱k a̱dyundyung tswam a̱son ka. Á̱ ku tyan mmam a̱bakidee a̱kwon ka̱ ka̱n tyia̱ a̱tsak a̱can a̱ni nang a̱ myim mi̱ "a̱tsak a̱ta̱mpwom ntsaai" wu ma̱ a̱bakeang Nok ka ma̱ a̱lyia̱ 1951 á̱ si̱ li nyia̱ ka̱ ku shyia̱ neet da̱ a̱beam 3660 BC, shimba lilyi̱ri̱m nshyia̱ tazwa yet a̱tsotswat tyiai a̱lyiat hu.[5]
Ya̱fang
[jhyuk | jhyuk a̱tyin ka]- ↑ 1.0 1.1 1.2 Fiona, MacDonald; Marshall, Cavendish Corporation; Elizabeth, Paren; Kevin, Shillington; Gillian, Stacey; Philip, Steele (2000). "Peoples of Africa, Volume 10". Pg. 383. Marshall Cavendish. ISBN: 0-7614-7158-8.
- ↑ Breunig, Peter. 2014. Nok: African Sculpture in Archaeological Context: p. 21.
- ↑ "NOK TERRACOTTA HEADS, Nigeria". HAMILL GALLERY of TRIBAL ART.
- ↑ Aedeen, Cremin (2007). Archaeologica: The World's Most Significant Sites and Cultural Treasures [Nok, Nigeria". Pg. 108. Frances lincoln ltd. ISBN=0-7112-2822-1
- ↑ McBurney, Charles Brian Montagu; Bailey, G. N.; Callow, Paul (1986). "Stone-Age prehistory: studies in memory of Charles McBurney". Pg. 159. Cambridge University Press. ISBN: 0-521-25773-5.