A̱shuk

Maba̱ta̱do

Fantswam

Gworog

Sholyia̱

Takad

Tyeca̱rak

Tyuku

Á̱ lyuut ati̱kut wuni di̱n Tyap Maba̱ta̱do ja (Maba̱ta̱do)

A̱shuk

Tafa	secrecy, alliance, occurrence
Described at URL	https://wikispooks.com/wiki/Conspiracy
Byia̱ lyulyoot	list of political conspiracies

Ghwughwu á̱nietlap-a̱shuk hu mi̱ A̱shuk Ntong A̱tandong ka, nyia̱ jhyang nang á̱ la̱p di̱ niat a̱ni ma̱ a̱lyia̱ 1605 á̱ tat Malikpacam a̱byin Nggi̱lan ka. A̱shuk hyaai A̱gwam Yakubu I kani nang sot A̱katolika Nggi̱lan jhyang ku la̱p a̱ni si̱ bai fwan.

A̱shuk, ka̱ doot á̱ bu ngyei la̱p-a̱shuk a̱ni, yet khwom hwa ku shim nang á̱ ni̱ shim di̱ niat tsi̱tsak á̱niet (á̱ ngyei á̱nietla̱p-a̱shuk ba a̱ni) ba̱ khwat kyang ku nwai yet a̱ni ku bai tazwa a̱ghyang a̱niet, nang hyaai a̱yin mi̱cet, tyei zat, ku za̱kwa-byian nkyang, ka̱ doot mat ba̱ san cet tyok, nang ba̱ sak kyang hu ba̱ shim ba̱ na nyia̱ a̱ni di̱ niat si̱sak nang a̱yin na lyen a̱ni bah. Di̱ fam kwainfwuo-á̱niet, a̱shuk fa ka̱nang sot á̱niet si̱ muna̱pyia̱ ba̱ bwuak nkyang na nang á̱ ku kpaat a̱ni mat ya a̱son tyok hu. Si̱ huni bye kyiak lili ta̱wap ku shyak mba, ku shyiat kpangti̱n di̱n vak ku nwai yet a̱ni bah, si̱sak nang tyok hu á̱ ku kpaat a̱ni na bwuak a̱ tyia̱ bobwot, ku kwa, ma̱ng li̱n-a̱ma á̱ghyang á̱niet a̱mami. Ka̱ doot a̱shuk ka̱ yet a̱bun nang á̱ ni̱ kwok a̱gwomna̱ti ku mman-a̱byin ndyo a̱ni. Swanga̱lyiat jini da̱ a̱ka̱nyiung, fa, kyang ku nwai yet a̱ni ku a̱ka̱tuk nang á̱ nyia̱, nang cam a̱byin ka nvwuong a̱ni.