Nkhang a̱byin Naijeriya

Neet di̱ Wikipedia
Jump to navigation Jump to search
Afrika Jenshyung ma̱ a̱lyia̱ 1625
nkhang a̱byin Naijeriya
nkhang a̱byin ku si̱tet
KapNaijeriya Jhyuk
A̱byinNaijeriya Jhyuk

Á̱ na maai á̱ nkai nkhang a̱byin Naijeriya na di̱n vak á̱nietnswat ba̱ bwuang kai fam A̱tyia̱ka̱u A̱tyin hu ma̱ng Afi̱rika kyiak neet ma̱ a̱lyia̱ A̱K 1100. Susot Tat-a̱ghyi Afi̱rika ma̱ a̱di̱di̱t ku swan fam hu nang á̱ sii du lyen nang Naijeriya a̱fwun a̱ni, nang A̱byin-tyok Nri, A̱byintyokshan Bini ka, mbeang A̱byintyokshan Oyo ka. Khwikpaa̱pyia̱ ntat Naijeriya mbwak A̱byintyokshan Ba̱rno kya da̱ a̱cak a̱lyia̱ (A̱A̱ 1068) ma̱ng Sí̱tet A̱kpat ji kpa̱mkpaan ma̱ng a̱cak a̱lyia̱ (A̱A̱ 1385) mi̱ sa̱ncuri 11 wu,[1][2][3][4] nang Khwikristi nnwuo Naijeriya mi̱ sa̱ncuri 15 wu mbwak a̱yaamonk A̱gosti̱n ma̱ng Kapucin ba neet a̱byin Potugat. A̱songhai ba meang si̱ yai ntat kap fam a̱byin hu.[5] Nkhang gbangbang a̱byin Naijeriya na si̱ la̱u byia̱ a̱ka̱ta ma̱ng a̱bwuang a̱khwo a̱ma̱nyi a̱ti̱lantik wu,[6] zang wa ntsa mi̱ Naijeriya di̱ ngaan sa̱ncuri 15 hu. Tyan a̱bwuang a̱khwo a̱tyin ji nang á̱niet Bi̱ri̱ti̱n ma̱ng Potugat ba ku nyia nta̱m ma̱ng a̱nji ja yet Ba̱dagi̱ri, tyan yong kukwon a̱wak jhyang ji shyia̱ di̱ khwong kyai a̱sa̱khwot a̱ni.[7] A̱yaadila mali ba si̱ bwoi mba á̱khwo, a̱dodo njhyá̱ tsi̱tsak nnwap di̱ fam a̱byin ka si̱ dam a̱khwukhwop nvak a̱bwuang a̱ta̱lyen Ma̱nyi Sa̱hara ka.[8]

A̱khwot Á̱kwop Bi̱ri̱ti̱n wu si̱ nwuo Legwot ma̱ a̱lyia̱ 1851, á̱ si̱ ta̱mak nji ma̱ng a̱gwomna̱ti mba ba ma̱ a̱lyia̱ 1865.[9] Naijeriya si̱ bwuak tyia̱ a̱byincok Bi̱ri̱ti̱n mi̱ 1901. A̱cak tyok á̱nietcen ka si̱ neap tat 1960, jen ji nang cong cat sa̱t hu si̱ shyia̱ ya a̱ywan a̱ni.[10] Naijeriya shyia̱ yet ri̱pobi̱lik ma̱ a̱lyia̱ 1963, a̱wot a̱byin ka si̱ ba̱ kwa mbwak tyok a̱khwot á̱kwop ndyia̱ a̱tat na̱ khwi a̱ni, a̱ma̱lyim bwan tyok koot a̱sok ghyang. Cong cat ka̱u a̱byin ghyang si̱ kpaat Ri̱pobi̱lik Byafra wu ma̱ a̱lyia̱ 1967, si̱ a̱hwa hwa si̱ khwat Zwang Byina̱byin Naijeriya ndyia̱ a̱tat ji a̱zanson.[11] Naijeriya si̱ bu bwuak ntyia̱ ri̱pobi̱lik ma̱lyim lyuut kpa̱m cam a̱byin fai mi̱ 1979. Da̱ a̱kwonu a̱kya, ri̱pobi̱lik wu si̱ labeang bah, nang á̱nietnzwang ba si̱ bu ta̱wap cet ba̱ si̱ bai tyok tat ndyia̱ swak. Á̱ si̱ khwom á̱ na mkpaat ri̱pobi̱lik a̱fai mi̱ 1993, a̱wot Jenera Sani Abaca si̱ bai weam ngguu. Abaca saan 1998 a̱wot á̱ si̱ bai kpaat ri̱pobi̱lik a̱naai wu a̱lyia̱ ka̱ khwi a̱ni a̱zanson, zang wa tyak ndyia̱ nswak ntat a̱si̱ tyok á̱nietnzwang hu jen a̱zanjen.[12][13]

Photo Showing States in Nigeria by Geography
Ghwughwu ku tyai Sí̱tet Naijeriya ji di̱n vak Nkhang A̱byin

Ya̱fang[jhyuk | jhyuk a̱tyin ka]

  1. "Table content, Nigeria". Country Studies.
  2. "Historic regions from 5th century BC to 20th century". History World.
  3. "A short Nigerian history". Country Studies.
  4. Nigeria Government Federal Website (1 Zwat Swak 2006). "About the Country Nigeria The History".
  5. Songhai | World Civilization". Courses.
  6. https://web.archive.org/web/20200417081153/https://rlp.hds.harvard.edu/for-educators/country-profiles/nigeria/historical-legacies
  7. The Transatlantic Slave Trade". Harvard. (di̱n Shong).
  8. https://web.archive.org/web/20200610083429/https://rlp.hds.harvard.edu/faq/transatlantic-slave-trade-nigeria
  9. Chioma, Unini (February 2, 2020). "When I Remember Nigeria, I Remember Democracy! By Hameed Ajibola Jimoh Esq". TheNigeriaLawyer.
  10. Nigerian Diaspora and Remittances: Transparency and market development."
  11. Obasanjo, Olusegun (1980). "My Command: an account of the Nigeria Civil War 1967-1970". Ibadan: Heinemann Educational Books Ltd. ISBN: 0435902490. Pp. 12–13.
  12. "Nigeria's Fourth Republic and the Challenge of a Faltering Democratization". Asq Africa. (di̱n Shong).
  13. "Nigeria's fourth republic and the challenge of a faltering democratization". ResearchGate. (di̱n Shong).