Squid Game
| Title | 오징어 게임, Оджинъо кеим  |
|---|---|
| Á̱ ku nwuak a̱lyoot | squid game |
| Derivative work | Squid Game: The Challenge |
| A̱tyubwoi | Hwang Dong-hyeok |
| A̱vwuonshei | Kworiya A̱tak |
| Original broadcaster | Netflix |
| A̱byin neet | Kworiya A̱tak |
| A̱tsak a̱lyem fim ku shei TV huni | Kworiya |
| Jen ntsa | 17 Zwat A̱kubunyiung 2021 |
| A̱kwak a̱son | Hwang Dong-hyeok |
| A̱tyulyuut nkhang | Hwang Dong-hyeok |
| Art director | Chae Kyung-sun |
| A̱tyulyuut a̱bwomtsot | Jung Jae-il |
| Production company | Siren Pictures |
| Distributed by | Netflix |
| Narrative location | Kworiya A̱tak |
| Review score | 93 |
| Distribution format | video on demand |
| Official website | https://www.netflix.com/title/81040344 |
| Hashtag | SquidGame |
| Audio system | Dolby Atmos |
Squid Game (Kworiya: 오징어 게임; RR: Ojing-eo Geim; ku fa Vwuo a̱gaga kyai a̱sa̱khwot ka̱ byia̱ a̱ti̱tak a̱ni̱nai) a̱ni, yet tak-ti̱tak ta̱li̱vishyon a̱kwa a̱ka̱bung ta̱cya̱ Kworiya A̱tak ghyang hwa nang á̱ tyai mi̱ Netflix nang Hwang Dong-hyuk mat a̱ni. Nggu Hwang wa ku lyuut a̱ si̱ ka ngyet a̱kwak a̱son fim wu ma̱ a̱mgba̱m a̱yaapisot a̱kubunyiung ba. Á̱ghyang á̱niet á̱ ku tyia̱ mami a̱ni, bibya yet Lee Jung-jae, Park Hae-soo, Wi Ha-joon, Jung Ho-yeon, O Yeong-su, Heo Sung-tae, Anupam Tripathi, ma̱ng Kim Joo-ryoung.
Wa̱i a̱lyiat[jhyuk | jhyuk a̱tyin ka]
Á̱ yei Seong Gi-hun, a̱ yet a̱tyia̱ nggwon a̱nyiung a̱wot a̱ ku tyat nyeang hu ma̱ng a̱byii̱k nggu wu a̱ si̱ ma ngyet a̱tyuba̱ng á̱niet ta wa ma̱ng a̱tyucaca a̱ si̱ swan ma̱ng a̱yang nggu wu, nyia̱ a̱ bai a̱ vwuo mi̱ ce-nvwuo mman ghyang mat a̱ shyia̱ a̱wat ya a̱gba̱ndang kurum. Nang gu nshim yei hu a̱ni, á̱ si̱ ta̱wap nggu á̱ si̱ nat ndyo a̱kang a̱yin a̱vwuo a̱ si̱ shyia̱ a̱pyia̱ nggu mami á̱ghyang á̱nietnvwuo 455 a̱ni, a̱nyanyan bya shyia̱ ma̱ng a̱fi̱fa kurum vwuon a̱mgba̱m mba. Á̱ si̱ tyia̱ á̱nietnvwuo ba khwi a̱lyilyim a̱yaatoot tyong cung a̱wot á̱nietcok ba ba̱ khwi nkyangkup a̱ghyi ma̱ng a̱yaatoot a̱sa̱khwot a̱gurma ba̱ fi̱ri̱p a̱ni si̱ saai mba a̱ghyi kuzang jen. A̱wot A̱tyu A̱zanson a̱ kup a̱dyundyung kyangkup á̱ghyi ma̱ng a̱dyundyung a̱yaatoot nta̱m a̱nyiung si̱ shyia̱ di̱ nwuan nvwuo mba na. Ku si̱ labeang bah nang á̱nietnvwuo ba si̱ bai fi̱k nyia̱ ka̱ ba̱ nwai vwuo hu, ba̱ na khwu, a̱wot kuzang a̱khwu si̱ mbeang miliyon ₩100 ma̱ a̱kuu za̱nang biliyon ₩45.6 wu.[lower-alpha 1][lower-alpha 2] Gi-hun si̱ la̱p a̱nu ma̱ng á̱ghyang á̱nietnvwuo, mbeang a̱kpa̱ndang nggu neet nang ba̱cku yet mman a̱ni, Cho Sang-woo ma̱ng a̱tyu Kworiya A̱za Kang Sae-byeok a̱ ku tyong a̱byin nggu ka a̱ni, a̱ kwan a̱ swuan mi̱ a̱ka̱bung nvwuo na na̱ veang a̱yin a̱ni mi̱ vam ma̱ng a̱di̱dam.[2][3]
Ya̱fang[jhyuk | jhyuk a̱tyin ka]
- ↑ Ghyuap di̱n tyan: Invalid
<ref>tag; no text was provided for refs namedvanity fair - ↑ "Squid Game – (Korean Drama, 2020, 오징어게임)". HanCinema. Archived from the original on Zwat A̱ni̱nai 11, 2021. Retrieved Zwat A̱ni̱nai 12, 2021.
- ↑ "Korean series 'Squid Game' gives deadly twist to children's games". ABS-CBN News. Zwat A̱kubunyiung 15, 2021. Archived from the original on Zwat A̱kubunyiung 15, 2021. Retrieved Zwat A̱kubunyiung 15, 2021.
A̱ka̱fwuop nta[jhyuk | jhyuk a̱tyin ka]
- Squid game mi̱ rottentomatoes
- Squid Game mi̱ Daum (da̱ a̱lyem Kworiya)
Ghyuap di̱n tyan: <ref> tags exist for a group named "lower-alpha", but no corresponding <references group="lower-alpha"/> tag was found