Susovan Roy

Susovan Sonu Roy

a̱tyubishyi

Sot mbyin	a̱sam
A̱byin mbyin	Ndiya
A̱lyoot kyangbwak	Roy
A̱tuk mbyin	19 Zwat A̱natat 1994
A̱keang mbyin	Howrah
A̱lyem mbyin	Bangla
Lilyem a̱ lyen lyiat, lyuut ku tyia̱ bwak ma̱ng a̱nhu a̱ni	Bangla
Ta̱m	actor, dancer, film actor, model
A̱ ku nat fang hu ma̱	Dum Dum Motijheel Rabindra Mahavidyalaya
Shi labeang ta̱m (tsa)	2019
A̱sa̱khwot a̱li	blackish-brown
Hair color	black hair

Susovan Sonu Roy (Hindi: सुशोभन सोनू राय; Benggali: সুশোভন সোনু রায়); byin mam 19 Zwat A̱natat 1994, mi̱ Hawora, di̱ fam Jenshyung Benggali) yet a̱tyunvwuo maat Ndiya wa.

A̱ ku laai a̱ shi ma̱ a̱ka̱keang Guwahati ma̱ng Ka̱li̱kuta a̱wot a̱ si̱ kin fang a̱malifang Dum Dum Motijheel Rabindra Mahavidyalaya ka, ka̱ yet kap West Bengal State University hu, mi̱ Ka̱li̱kuta. Ma̱nang gu ntyak fang hu ma̱ a̱lyia̱ 2017 a̱ni, a̱ si̱ ta̱bat ta̱m a̱tyusong.

Nang a̱tyunvwuo maat a̱ni, á̱ ku mi̱ ntyai nggu di̱ tak ti̱-tak ta̱la̱vishon Benggali Jenshyung hu kyiak neet ma̱ a̱lyia̱ 2019. A̱son tyai nggu ka mami tak ti̱tak a̱kwak a̱son fim Debidas Bhattacharya nang á̱ ngyei Anandamoyee Maa a̱ni, nang a̱ ku kwok nkhang neet mi̱ tashikum Benggali ji a̱ni, nang gu ku ntsot kap a̱tyunkhwi Vishi̱nu a̱ni.

Á̱ ku tyai fim tak ti̱tak hu mi̱ tesha ta̱li̱vishon Aakash Ath hu. Si̱ ntung hu si̱ yet Jamuna Dhaki, tak ti̱tak di̱rama cat á̱ ku nyia̱ kyiak neet ma̱ a̱lyia̱ 2020 ba̱ng si̱ nat a̱lyia̱ 2022, di̱n tsa hu mi̱ Zee Bangla, a̱wot á̱ si̱ nyia̱ mi̱ ZEE5, nang gu ku maat nkap a̱kpa̱ndang swat a̱ni. Si̱ ntung hu hwa yet si̱ hu a̱ ku shyia̱ mi̱ di̱ fim tak ti̱tak Mohor hu, ku shyia̱ nggwonfang a̱ghyang a̱ni, nang á̱ tyei mi̱ Star Jalsha kyiak neet ma̱ a̱lyia̱ 2019 ma̱ng Disney+ Hotstar. Mami soap opera ka Kora Pakhi, á̱ tyei mi̱ Star Jalsha kyiak neet ma̱ a̱lyia̱ 2020 ma̱ng Disney+ Hotstar, a̱ ku kyiak kap a̱tyunwuat ri̱pwot mi̱ a̱yaapisot 11.

Nfim (Khai)

• 2019: Anandamoyee Maa
• 2020: Jamuna Dhaki
• 2020: Titli
• 2020: Mohor
• 2020: Kora Pakhi
• 2021: Khelagor