Zunzwom khwo
| Tafa | simple chordophone  |
|---|---|
| Yet kap | MIMO's classification of musical instrument, Guizzi's classification of musical instruments |
| A̱lyoot a̱gwomna̱ti | Raft zithers, Cetre a zattera |
| Described at URL | http://www.mimo-db.eu/HornbostelAndSachs/174 |
| Hornbostel-Sachs classification | 313 |
Zunzwom khwo yet sot zunzwom ja ji̱ byia̱ ywan a̱nyanyin, nang á̱ fwuop dundung di̱ ngaan hu a̱ni.[1][2] Tangka̱i zunzwom ku nyian ta̱m ma̱ng a̱ga̱faat a̱ni mat mba̱ng a̱ta̱du ywan wu (ku á̱ la̱p tazwa a̱ga̱faat wu wa ku á̱ fak neet ma̱ a̱ga̱faat wu wa a̱pyia̱ nggu), a̱wot á̱ bai á̱ ta̱ngam ma̱ng a̱ka̱byek. A̱kpa̱kpai a̱tai zunzwom wu wa si̱ yet kuntyin ywan hu, a̱wot á̱kpa ywan kani si̱ ghwut ma̱ng nwunwuat vwuon di̱ zunzwom jhyiung a̱ja.[1][2]
Kuzang zunzwom a̱ga̱faat di̱ zunzwom khwo ji byia̱ a̱nwuat vwuon, a̱wot kyangtsot a̱bwom huni si̱ yet kyangtsot a̱bwom nwunwuat ma̱ a̱di̱di̱t hwa.[1][2] Zunzwom khwo ji si̱ mun byia̱ a̱meang ma̱ng a̱kpai zunzwom, zang nggu wa nyian ta̱m ma̱ng a̱kpai a̱ka̱tako a̱ yet kuntyin á̱kpa ywan nggu hu.[1]Kidee jhyiung zunzwom khwo ja yet zunzwom khwo Totombito ji, neet ma̱ a̱byin Konggo.[3] Kídee jhyang neet ma̱ Afi̱rika ja yet si̱ á̱ maai shyia̱ mi̱ Naijeriya ma̱ng Fam A̱tyin Afi̱rika.[2]
Ma̱ a̱byin Nepat, A̱di̱mat ba jhyi zunzwom a̱ga̱faat ma̱ng á̱kwop Thysanolaena, a̱wot ba̱ bai ba̱ fwuop mba ma̱ng zunzwom khwo nang ba̱ ngyei tunjaai a̱ni.[4] Di̱ kyangtsot a̱bwom Nepat huni, á̱ga̱faat ba byia̱ ywan nfeang, a̱za ma̱ng a̱tak, a̱wot á̱ ni̱ ndya̱u kyangtsot a̱bwom hu a̱za̱ghwang kya, ma̱ng mbwak nfeang a̱tyutsot a̱bwom na tazwa zunzwom ji na̱ tsot zunzwom ji da̱ a̱ka̱nyiung ma̱ng kyang ghyang nang A̱shong ba ngyei plectrum a̱ni.[4]
Ya̱fang
[jhyuk | jhyuk a̱tyin ka]- ↑ 1.0 1.1 1.2 1.3 Sachs, Curt (1940). The History of Musical Instruments. New York: W.W. Norton. p. 463.
- ↑ 2.0 2.1 2.2 2.3 Midgley, Ruth, ed. (1997). Musical Instruments of the World. New York: Sterling Publishing Company, Inc. ISBN 0-8069-9847-4.
...raft zithers...consist of several idiochord tub zithers bound together in a raft...
- ↑ Nikolova, Ivanka; Davey, Laura; Dean, Geoffrey, eds. (2000). The Illustrated Encyclopedia of Musical Instruments. Cologne: Könemann Verlagsgesellschaft mbH. p. 34.
- ↑ 4.0 4.1 Kadel, Ram Prasad (2007). Musical Instruments of Nepal. Katmandu, Nepal: Nepali Folk Instrument Museum. pp. 229, 269. ISBN 978-9994688302.