A̱lyem A̱kum-a̱cyi ka (A̱kum-a̱cyi: Ásụ̀sụ́ Ìgbò ig) kikya yet a̱lyem mbyin nwap A̱kum-a̱cyi ka, di̱ fam a̱tak-a̱tyin Naijeriya. Shi lilyem Igboid nang á̱ lyiat a̱ni na ta̱yuk di̱ si̱sak nang a̱yin khap a̱ni ku nang a̱lyem ke a̱balyem, mat a̱nia wa, á̱ mbyia̱ kpa̱mkpaan na̱ng lilyem A̱kum-a̱cyi 35 vwuon a̱mgba̱m. Á̱ ka nkyiak A̱kum-a̱cyi a̱cyian ka ka̱ yet a̱lyem a̱nyiung kya a̱wot dyem shyia̱ di̱ fwuong hu tsi̱tsak á̱nietlyiat ba di̱ nfam vwuon (a̱za, jenshyung, a̱tak ma̱ng a̱tyin). Á̱ ku byi̱k a̱lyem kidee lyuut lyulyuut a̱ghyanh nang á̱ ku ngyei "Igbo izugbe" (ji̱ fa "A̱kum-a̱cyi konyan ma̱ng konyan" a̱ni) a̱wot á̱ sii du san á̱ tyia̱ di̱n ta̱m kpa̱mkpaan ma̱ng a̱lyia̱ 1972, ma̱ng a̱tsak kuntyin nggu mi̱ a̱balilyem Olu, A̱na̱mba̱ra (Oka) ma̱ng Umu-ahya (Ohuhu), a̱wot á̱ si̱ ti̱n yei nkyang mi̱ zwua̱i hu ma̱ng hyap swáng a̱lyiat mi̱ ntangka̱i á̱na.
