A̱li Ginzburg

A̱li Ginzburg

hotel

A̱byin	Yuki̱ren
Shyia̱ di̱ fam tyok a̱byin	Kyip, Instytutska Street
Coordinate location	50°26′54″N 30°31′39″E
Architectural style	Art Nouveau architecture

A̱li Ginzburg ku A̱ga̱nga̱ng a̱litazwa Ginzburg Wu yet a̱li tazwa mban 12 kya, ma̱ng shi a̱za mita 67.5, "a̱ga̱nga̱ng-a̱litazwa" nang á̱ ku bi̱ri̱m mi̱ sa̱ncuri 20 wu ma̱ a̱keang Kyip. Á̱ fa nok huni mi̱ nkhang ku yet "a̱ga̱nga̱ng-a̱litazwa ntsa wu mi̱ Yuki̱ren." Á̱ tyak nok hu ma̱ a̱lyia̱ 1912 kya a̱wot á̱ si̱ bi̱ri̱m nhu ma̱ a̱lyia̱ 1941.

Nkhang

Á̱ ku nok a̱li ka tsi̱tsak 1910–1912. Á̱ si̱ nyia̱ ta̱m ma̱ng a̱nka nang a̱li ga̱ndu. Á̱ ku byia̱ a̱yaa-apatmen 94 a̱mami a̱ga̱nga̱ng a̱litazwa ka, a̱si̱ a̱ ku byia̱ shi hu a̱ swak ku byia̱ á̱tutu 11. Á̱ si̱ bu byia̱ a̱kuu á̱tutu ka̱ bai kpa̱mkpaan ma̱ng 500.

A̱vwuonkwai nkyang ku shyia̱ mban ntsa nok Ginzburg na. Nok hu ku byia̱ a̱gba̱ndang a̱di̱ri̱m, tyan ji nang á̱ nwuan a̱keang Kyip a̱ganng a̱ni.

Di̱n jen a̱won a̱lyia̱ 1913, a̱tyughwang-nghwughwu wu Oleksandr Murashko khwuk "Si̱tudyo Nyian-nghwughwu Oleksandr Murashko" mi̱ di̱ ban 12 "a̱ga̱nga̱ng a̱litazwa" hu, nang kpa̱mkpaan ma̱ng á̱niet 100 fang ndung da̱ a̱ka̱nyiung a̱ni. Kang ma̱ng ghwang ma̱ng swup, á̱ tyiet nkhang ma̱ng filosofi nyian-nghwughwu. Si̱tudyo ji si̱ labeang ba̱ng si̱ tat a̱lyia̱ 1917.

Mi̱ Zwat Nyaai a̱lyia̱ 1918, á̱ si̱ sak sot A̱khwot Á̱kwop Fi̱ransa ji̱ ku bai nyia̱ ta̱m mi̱ Ri̱pobi̱lik Á̱niet Yuki̱ren wu, ji̱ byia̱ a̱yaaofisa 6 a̱ni, a̱mali ka.

A̱khwot á̱kwop Soviyet a̱ tyong bai a̱mali a̱ni si̱ tat a̱li ka ma̱ng bom ma̱ a̱lyia̱ 1941 (lilyim nwuai Jami̱ni mi̱ Roshiya).

A̱khwot á̱kwop NKVD á̱si̱ USSR wa ku tat nok hu ma̱ng bom mi̱ Zwat A̱kubunyiung 24, 1941 á̱ si̱ bi̱ri̱m nhu a̱mgba̱m di̱ kap ntsa ce-ndyia̱ 1950 hu, jen ji nang á̱ si̱ ngaan seang kuntyin nok hu.

Tsi̱tsak 1954–1961, á̱ si̱ nok Hotet Mosko hu (Hotet Yuki̱ren, kyiak neet ma̱ a̱lyia̱ 2001) di̱ tyan ji nang A̱li Ginzburg ka ku swan a̱ni.

Á̱ ku nyia̱ ta̱m ma̱ng nok hu di̱ kwok fim ntsa Soviyet hu «A̱tyok ma̱ng Kemera Fim» ma̱ a̱lyia̱ 1929, da̱nang á̱ kwok nghwughwu a̱gba̱ndang a̱di̱ri̱m ma̱ng a̱swang mami a̱ga̱nga̱ng a̱litazwa na.

Nghwughwu

• 
  Nwuan mbat hu
• 
  Nwuan neet mi̱ zunzwat "a̱ga̱nga̱ng a̱litazwa" ji
• 
  Nwuan neet a̱zagaat ka (1913)
• 
  Nwuan neet ma̱ ban 12 "a̱ga̱nga̱ng a̱litazwa" hu (1914)
• 
  Ce-ndyia̱ 1910
• 
  Nwuan neet mi̱ gbang
• 
  Nwuan neet ma̱ A̱tyia̱kwon Soviyet ka (1925 a̱lyia̱)
• 
  Á̱ maai á̱ li a̱li Ginzburg tazwa (ce-ndyia̱ 1920)
• 
  A̱gba̱ndang a̱di̱ri̱m a̱li wu (1932)
• 
  Kyang ku bwat a̱ni si̱ a̱li ka (1941)
• 
  Nok hu nang á̱ ku tat a̱ni
• 
  Wa̱i-ghwughwu a̱ga̱nga̱ng a̱litazwa gu tat a̱ni
• 
  (1 Zwat A̱natat 1942 a̱lyia̱)
• 
  1944 a̱lyia̱
• 
  Nwuan a̱ga̱nga̱ng a̱litazwa nang á̱ tat hu neet ma̱ a̱man tswam