Adven
| Yet kap | liturgical year, Year-end and New Year  |
|---|---|
| A̱lyoot a̱lyem a̱byin | adventus |
| Significant person | Yesu, Mary, John the Baptist |
| Khwi ku nwuan-ta̱cya̱ | Khwikristi |
| Byia̱ za̱kwa | expectation, joy |
Adven yet a̱yet wa nang Á̱nietkhwikristi ba nyia̱ di̱ fwuo bai njen a̱yet Byin Yesu ji nang á̱ ngyei Kisi̱mat a̱ni. Jen Adven ji ja yet a̱tsan a̱lyia̱ kwambwak ji mi̱ Khwikristi Fam Jenshyung Swanta hu mbeang a̱niet cong khwi cot A̱roman wu.
Á̱ shyia̱ a̱lyoot ka neet di̱ swang a̱lyiat a̱lyem Lati̱n ji adventus ji̱ fa "bai; nwuai" a̱ni, a̱wot á̱ ku si̱ bwuo nji neet di̱ a̱khwukhwop swang a̱lyiat Helen parousia ji ja. Mi̱ La̱p A̱nu Fai hu, á̱ ku nyia̱ ta̱m ma̱ng swang a̱lyiat jini á̱ nfa Bai A̱ka̱feang Kristi hu hwa. Mat a̱nia, a̱cak Adven ka mi̱ ka̱la̱nda Krista ji fa mba̱ng-fwuo di̱ "bai Kristi" neet mi̱ di̱ nwuan mi̱ nwuan vwuon ku shyia̱ tat a̱ni: a̱kpa̱sai byin nggu wu mi̱ Ba̱italami, san Kristi mi̱ fwuo a̱tyu a̱ nwuak a̱cucuk hu a̱ni, ma̱ng Bai A̱ka̱feang Kristi di̱ ngaan hu.[1]
Ya̱fang
[jhyuk | jhyuk a̱tyin ka]- ↑ "neet di̱n jen Bernard a̱si̱ Clairvaux (kh.1153), A̱nietkhwi ba̱ ku lyiat tazwa a̱tangka̱i bai Kristi ntat na: mi̱ vam a̱tyubishyi mi̱ Ba̱italami, mi̱ nfwuo nzi̱t na kuzang a̱tuk, mbeang mi̱ a̱kyenkyai shi di̱n jen sangba̱p ji" Pfatteicher, Philip H. (23 Zwat A̱kubunyiung 2013). Journey into the Heart of God: Living the Liturgical Year. Oxford University Press. ISBN 9780199997145 – via Google Books.