Kpaa̱pyia̱ A̱da̱dei Idi

Kpaa̱pyia̱ A̱da̱dei Idi

religious and cultural festive day, public holiday, Islamic term, Islamic holidays

Tafa	Eid
Yet kap	Islamic holidays
Name	ꠞꠥꠎꠣꠞ ꠁꠖ
A̱lyoot a̱gwomna̱ti ku mbyin	عيد الفطر
Khwi ku nwuan-ta̱cya̱	Khwikpaa̱pyia̱
A̱byin	a̱mgba̱m swanta
Yet a̱ci̱t	Ramadan, Zakat al-Fitr
Si̱ a̱ ntung a̱ni yet	Fasting six days of Shawwal month
Mam a̱lyia̱	2 Shawwal, 1 Shawwal
Nkyayak taada a̱meang	seviyan, bean pie

Kpaa̱pyia̱ A̱da̱dei Idi ku Idi Fiti̱rit (La̱ra̱ba: عيد الفطر, ʿĪd al-Fiṭr ku fa 'Fwung Tyat Swan A̱fa-a̱khwot' a̱ni, Za̱FBS: [ʕiːd æl ˈfɪtˤr]) hwa yet a̱son fwung a̱gwomna̱ti ka di̱ nfwung nfeang na nang á̱ song di̱ Khwikpaa̱pyia̱ (ghyang hu hwa yet Kpaa̱pyia̱ A̱gba̱ndang Idi). Ku nang Kuran ji nwai lyiat tazwa song a̱yet Idi ji, Á̱nietkpaa̱kpeang ba ni̱ song a̱yet fwung a̱dini Kpaa̱pyia̱ A̱da̱dei Idi ka koji mi̱ swanta da̱nian kikya yet ngaan swan swat a̱fa-a̱khwot hu kyiak neet ma̱ a̱tsotson ba̱ng si̱ tat kwa̱imam nang á̱ ngyei Ramadan a̱ni. Da̱ a̱kwonu a̱kya, Á̱nietkpaa̱kpeang á̱ghyang nwai kyiak nhu nang a̱za̱za̱rak fwung. Kpaa̱pyia̱ A̱da̱dei Idi ni̱ kwa̱i a̱tuk ntsa Shawwal mi̱ ka̱la̱nda Khwikpaa̱pyia̱; ma, kuzang jen ja ji̱ kwa̱i a̱tuk a̱nyiung mi̱ ka̱la̱nda Gi̱rigori ji bah, ma̱nang a̱son kuzang zwat Hijri ni̱ ntsa ma̱ng ghwut zwat (zwat luna) hwa a̱wot ka̱ shyak ca̱caat ma̱ng jen ji nang á̱nietntyok a̱dini ba li zwat swai ji nang ji̱ neet ghwut a̱ni. Á̱ ngyei fwung hu ma̱ng lyulyoot vwuon hwa di̱ lilyem ma̱ng bibyin swanta vwuon. Á̱ ngyei mam hu A̱da̱dei Idi, ku mi̱ Idi.