Lihyat

Maba̱ta̱do

Fantswam

Gworog

Sholyia̱

Takad

Tyeca̱rak

Tyuku

Á̱ lyuut ati̱kut wuni di̱n Tyap Maba̱ta̱do ja (Maba̱ta̱do)

lihyat

advanced emotion

Tafa	Fa̱k mi̱ fwuo
Yet kap	theory of emotion, psychological terminology
Yet a̱fi̱p	Q19258351, esteem

Lihyat (fa̱k) di̱n jen ma̱ a̱di̱di̱t yet jhyuai ku lak nwuat a̱yin ku kyang shi wa. Tangka̱i fwuong-fwuo huni ni̱ ghwut ma̱ng za̱kwa nang á̱niet na ncat a̱ni bah. Á̱nietlyuut á̱ghyang wa̱i lihyat nang tangka̱i fwuong nang á̱niet nwai byia̱ mi̱ fwuo a̱ni ku yet a̱sham bah, da̱ a̱kwonu fwuong-fwuo ku byin gann a̱ni. Paul Ekman si̱si̱ ntak lihyat a̱ si̱si̱ ntyia̱ nhu di̱ ku yet a̱natat di̱ si̱sa ji nang gu tak ti̱tak a̱ni dundung ma̱ng lyen, jhyuai, a̱wun, a̱gwai, a̱dyundyung-fwuo, ma̱ng a̱ga̱de. Robert C. Solomon si̱ tyia̱ lihyat di̱ sot jhyiung ma̱ng lak-li ma̱ng lyen, a̱wot a̱ si̱ tak nyia̱ vwuon mba hu, huhwa yet a̱tyu a̱ byia̱ shi a̱ swak nggu wa á̱ ni̱ lak-li; a̱tyu a̱ byia̱ shi ku yet ca̱caat ma̱ng a̱yin nggu wa á̱ ni̱ mwai lyen ma̱ng a̱nggu; a̱wot a̱tyu a̱ byia̱ shi ku lat si̱ a̱yin a̱ni nggu wa á̱ ni̱ nyia̱ nggu lihyat.

Bwoi-a̱lyoot

Swanga̱lyiat ji neet mi̱ swánga̱lyiat nTyap swang jini ja: "li" ma̱ng "hyat".