Ntong

Maba̱ta̱do

Fantswam

Gworog

Sholyia̱

Takad

Tyeca̱rak

Tyuku

Á̱ lyuut ati̱kut wuni di̱n Tyap Maba̱ta̱do ja (Maba̱ta̱do)

Ntong

Tafa	by-product, mixture, residue, material
Made from material	oxide, carbonate
By-product of	combustion

Ntong nkwon

Ntong yet nkyuo nia nang nkwon ya long na̱ si̱ ghwon a̱ni. Ka̱nang á̱ na wa̱i shansham, ntong fa kuzang tangka̱i kyang ku bwat a̱ni ka̱nang á̱ fwui kyang, a̱wot ku nwai yet a̱jojot nang a̱sa̱khwot a̱ni, ku si̱ nwai yet wun. Mi̱ kemiti̱ri zop-zi̱zop, ka̱nang á̱ na nwuan nkyangmami kídee kemikat minerat ma̱ng tswám shansham, ntong yet kyang hwa ku ni̱ bwat ka̱nang á̱ fwui kyang di̱ tityak ku nwai yet wun ku a̱jojot kyang a̱ni.

Ntong na̱ yet nkyang na nang á̱ fwui a̱wot á̱ si̱ fwui shansham bah di̱n jen ma̱ a̱di̱di̱t, yet minerat hwa, a̱wot a̱nci̱ri̱ng ku ni̱ mbyia̱ nkyang na̱ neet mi̱ nkyangswuan a̱ni ku nkyang na̱ byia̱ a̱ki̱si̱jin a̱ni. Ntong nang á̱ lyen a̱ swak a̱ni nia yet ntong nkwon, na̱ yet kyang ku bwat a̱ni ka̱nang á̱ fwui nkwon mi̱ a̱sha̱ndong, a̱fi̱t-a̱som, ba̱ng si̱ nat. Yet a̱dyundyung kwon hu ni̱ tak ke can hu ku na bwat a̱ni na shi ku ku na shi bah, ma̱nang a̱tyityip wu wa byia̱ can hu a̱ swak. Ntong na shyia̱ ntangka̱i-ntangka̱i nvwuon. Á̱ghyang byia̱ á̱za̱za̱rak nkyang na̱ ntyei a̱byin ka ka̱ yet a̱bwum a̱ni. Á̱ghyang si̱ byia̱ nkyang kemikat na̱ maai byian a̱byin ka a̱wot na̱ maai tyia̱ a̱byin ka ka̱ yet ma̱ lilyiit di̱n vak a̱ka̱shai kemikat ma̱ng nta̱m a̱bancyuang-nkyangswuan a̱byin.