Nyeang

Nyeang yet shim a̱ghyiang hwa ku tyei á̱tyok ma̱ng a̱nyiuk ghwong ̱a̱niet nbyin ba bah ba̱ ta̱bat swat dundung a̱ni. Nyeang fa swat a̱tyok ma̱ng a̱byiik hwa. A̱niet a̱feang ba̱ shyia̱ di̱ nswat nyeang a̱ hwa a̱ni maai ba̱ lyen nkyang na̱ myim a̱mgba̱m ba ba̱ nyia̱ a̱ni nbeang mman ba̱ byia̱ ku ba̱ na byia̱ a̱ni. Ku yet a̱sham ka̱ a̱niet byia̱ a̱niet a̱ bya ba̱ swan nyeang hu a̱ni shyia̱ lyen nkyang na̱ myim ba̱ nyia̱ ma̱ng a̱si ba̱ na yok a̱ni.

A̱niet swatnta ba ma̱di̱di̱t ki byia̱ taada ji vwuon a̱ni ka̱ a̱lyiat a̱lyiat nyeang. Si̱ a̱hwa hwa si̱ tyia̱ ku nvwuo a̱khwu a̱ shyia̱ kyang nang nyeang fa a̱ni da̱ ka̱nyiung. Khwi meang ni̱ beang a̱niet di̱ shim kyang nyeang hu fa a̱ni. Jen meang ni̱ beang di̱ tak ku ihwa ha nang nyeang hu fa. Di̱n jen ji̱ ni, nyeang hu tyai da̱ a̱vwuo a̱tyok ma̱ng a̱byiik nggu wu ku ma̱ng mman ba̱ byia̱ a̱ni bah. Nyeang hu li̱ ma̱nang ku shyia̱ nbwak a̱bakeang a̱niet a̱ bya n shyia̱ a̱ni. Ka̱ doot a̱niet a̱keang a̱ bya ba̱ beang di̱ tyei a̱tyok ma̱ng a̱byiik ma̱ng mman kai nvak na̱ myim na̱ si̱ shyia̱ ca̱caat ma̱ng doká ji̱ a̱ni. Nyeang hu myim ku beang a̱niet nswat ba ba̱ shyat nkyang swat mi̱ swatnta hu ma̱ng swatnyi̱nyang.