A̱ghyui Ka̱duna

Vak-a̱cyet A̱ghyui Ka̱duna

A̱ghyui Ka̱duna, nwuan neet da̱ Sea Breeze hu, Ka̱duna, 2007

A̱ghyui Ka̱duna ka yet sa A̱ghyui Nija ja ji̱ ngaat tat shi a̱swap kilomita 550, a̱wot ka̱ si̱ ka kpa̱ra̱p ka̱ sweap a̱byin Naijeriya ka. Ka̱ shyia̱ a̱lyoot nka neet tsáng ji̱ swuat mami a̱ghyui ji ja ma̱ng da̱ a̱beam nka. A̱tyin nka ka shyia̱ Si̱tet Pi̱lato wa, a̱zantsok Nja̱t ka, kilomita 29 a̱tak-jenshyung neet a̱keang Nja̱t ka, ka̱ si̱ kpa̱ra̱p sweap a̱byin a̱yoot nka, Si̱tet Ka̱duna, a̱wot ka̱ si̱ bai swak a̱keangtung a̱byin ka, Ka̱duna, ka̱ si̱ myim ma̱ng A̱ghyui Nija ka ma̱ Si̱tet Nija. Vak a̱cyet nka ghyang si̱ kai ku sweap a̱gang a̱byinkukwon Sa̱va̱na wu, a̱wot tamm ji ji̱ shyia̱ a̱tatak si̱ byia̱ tityam a̱baniak ma̱ a̱di̱di̱t a̱zanunwuai a̱ca̱cet a̱kpa̱kpai bibyin ri̱giwa Nija ka.