Bamenda
| A̱lyoot a̱gwomna̱ti | Bamenda  |
|---|---|
| A̱byin | Kemerun |
| A̱gba̱ndang a̱keangtung | Northwest |
| Shyia̱ di̱ fam tyok a̱byin | Northwest |
| Shyia̱ di̱ fam jen | UTC+01:00 |
| Coordinate location | 5°57′41″N 10°9′6″E |
| Twinned administrative body | Dordrecht |
| OpenStreetMap zoom level | 8 |
Bamenda, á̱ ka ngyei A̱bakwa ma̱ng Mankon Town,[1] yet a̱gba̱ndang a̱keang wa di̱ fam a̱za-jenshyung a̱byin Kemerun a̱wot a̱ sa ngyet a̱keangtung Fam A̱za-jenshyung a̱byin a̱kya. A̱keang ka byia̱ shi á̱niet ku bai cyikwop cyi a̱taa a̱wot ka̱ si̱ shyia̱ kilomita 366 (met 227) di̱ Fam A̱za-jenshyung a̱gba̱ndang a̱keangtung a̱byin Kemerun nang á̱ ngyei Yawunde a̱ni. Á̱ ka ndyen a̱keang Bamenda mat shyishyim a̱vwuo ji ma̱ng tsutsok nka.
Nkhang[jhyuk | jhyuk a̱tyin ka]
Jen tyok A̱shong[jhyuk | jhyuk a̱tyin ka]
A̱tsak a̱keang wu ku yet a̱si̱ A̱tyikat bibya ba̱ byia̱ taada nyiung ba̱ si̱ byia̱ kpa̱ndang ma̱ng ma̱ng A̱byintyok Bamun ka mi̱ ce-ndyia̱ 1700 hu.[2] Ma̱ a̱lyia̱ 1884, a̱byin Jami̱ni si̱ nwuo a̱keang ka ba̱ si̱ nyia̱ tyok da̱ nka ba̱ng si̱ bai a̱lyia̱ 1916 nang tyok hu si̱ shyei a̱ nat mbwak A̱gba̱ndang Bi̱ri̱ti̱n ma̱ng Fi̱ransa.[3] Ma̱ a̱lyia̱ 1919, cet tyok Fam-a̱byin A̱za-jenshyung hu ma̱ng a̱keang Bamenda ka a̱mgba̱m si̱ yet si̱ A̱bi̱ri̱ti̱n hwa ma̱nyin. Ma̱ a̱lyia̱ 1961, fam hu si̱ mun yet kap Ri̱pobi̱lik Kemerun.[4]
Cat A̱mbazoniya[jhyuk | jhyuk a̱tyin ka]
A̱lyiak á̱niet a̱keang ka lyiat Shong ja, a̱wot Shong Kaswuo Kemerun ja si̱ yet a̱tsak a̱lyem wu nang á̱ lyiat kuzatuk mi̱ a̱yaaka̱ciro ma̱ng a̱zagaat Bamenda. Ku bai ndyia̱ a̱naai, nang jhya̱ ku ghwom a̱byin ka a̱mgba̱m mat a̱lyiat kwai nfwuo á̱niet nang á̱niet sot nang á̱ ngyei Southern Cameroons Liberation Council ("Kansi̱t Tyei A̱tak Kemerun Ma̱sa̱t") a̱ni ba̱ cat á̱ ka̱u a̱byin ka a̱ ghwon fam-a̱byin mba hu nang á̱ ngyei A̱mbazoniya a̱ni ku yong ma̱sa̱t nang a̱byin a̱pyia̱ nhu.[5] Mi̱ Zwat A̱kubunyiung a̱lyia̱ 2020, a̱gwomna̱ti Kemerun ba si̱ ghwut ma̱ng Operation Bamenda Clean mat á̱ nvwuong á̱nietnzwang cat ka̱u a̱byin ba neet ma̱ a̱keang ka.[6]
Ya̱fang[jhyuk | jhyuk a̱tyin ka]
- ↑ F. E. Ngende (1966). Geography of West Cameroon. Basel Mission. p. 45. Archived from the original on 31 Zwat A̱ni̱nai 2020. Retrieved 29 Zwat Swak 2016.
- ↑ Toyin Falola, Daniel Jean-Jacques, Africa: An Encyclopedia of Culture and Society [nvolyum 3]: An Encyclopedia of Culture and Society, ABC-CLIO, MS, 2015, w. 142
- ↑ Emmanuel Mbah, Environment and Identity Politics in Colonial Africa: Fulani Migrations and Land Conflict, Taylor & Francis, MA̱, 2016, w. 20
- ↑ Emmanuel Mbah, Environment and Identity Politics in Colonial Africa: Fulani Migrations and Land Conflict, Taylor & Francis, MA̱, 2016, w. 21
- ↑ Anglophone Struggle Takes Another Kink, Separatists, Federalists Bury Hatchet, Create Southern Cameroons Liberation Council Archived 2019-04-07 at the Wayback Machine, The National Times, 1 Z.Nya. 2019. Accessed 1 Z.Nya. 2019.
- ↑ Cameroon/Bamenda clean operation: Bar Council wants soldiers’ ‘abuses’ probed Archived 2020-10-06 at the Wayback Machine, Journal du Cameroun, Z.A̱ku. 25, 2020. Á̱ ku shyia̱ nwuo mi̱ Z.A̱ku. 26, 2020.