Byafra

Byafra

historical unrecognized state

Kpaat	1967
A̱lyoot a̱lyem a̱byin	Republic of Biafra
A̱lyem a̱gwomna̱ti	A̱kum-a̱cyi, Shong
A̱bwom	Land of the Rising Sun
Vam-a̱byin	Afrika
A̱keangtung	Enugu, Owerri, Umuahia
Coordinate location	6°27′0″N 7°30′0″E
Basic form of government	ri̱pobi̱lik
Kurum	Biafran pound
Nyian tyok tazwa	Radio Biafra
A̱lyem á̱ nyian ta̱m ma̱ng a̱nka	A̱kum-a̱cyi, Shong
Dissolved, abolished or demolished date	1970
Tyiang a̱toot shi	flag of Biafra
Official religion	Khwikristi, animism
Sa mat tá̱si̱la	Category:Maps of Biafra

A̱byin Biyafra, á̱ lyen ma̱ng a̱lyoot a̱gwomna̱ti nka nang Ri̱pobi̱lik Byafra a̱ni, ku yet a̱byin nang bibyin ghyá̱ng ku lyen di̱ nkap nang a̱byin tyei zat di̱ cat tyok a̱pyia̱ nka hu a̱ni di̱ fam Afrika Jenshyung ka̱ ku tak a̱pyia̱ nka a̱byin sa̱t neet ma̱ Naijeriya kpa̱sai a̱wot ka̱ si̱ swuan kyiak neet ma̱ a̱lyia̱ 1967 ba̱ng si̱ tat a̱lyia̱ 1970. A̱byin ka ku yet mi̱ kyang nyiung hwa ma̱ng Fam-a̱byin A̱tyin Naijeriya hu nang nwap A̱kum-a̱cyi ja swak kuzang ji ma̱ng shi a̱ni. Á̱ ku Byafra a̱tuk Zwat Tswuon 1967 ja mbwak ofisa a̱khwot a̱kwop A̱kum-a̱cyi nang á̱ ngyei Chukwuemeka Odumegwu Ojukwu a̱ni di̱n jen ji gu ku ngyet a̱kwak a̱son fam-a̱byin wu a̱ni, di̱n jen ji nang a̱ca̱cet nnwap Naijeriya na ku ya fwuang tsi̱tsak á̱pyia̱ nna, ku si̱ kyiak jen ba̱t a̱ni a̱wot a̱khwot á̱kwop wu si̱ ya̱gurup a̱gwomna̱ti a̱ma̱lyim shyiat sa̱t ma̱ a̱lyia̱ 1960 a̱wot nyiá̱ jini si̱ byin hyaai A̱kum-a̱cyi a̱lyia̱ 1966 hu ma̱ng nnwap jhyang na̱ ku neet fam a̱tak-a̱tyin Naijeriya hu dḭ fam a̱za ka. A̱khwot a̱kwop Naijeriya wu si̱ ya a̱son di̱ nwuai Byafra di̱ mi̱n byian jen a̱ma̱lyim nang á̱ tak a̱byin ka a̱byin ka̱ yong sa̱t a̱ni, ku si̱ byin Zwang Á̱niet-a̱byin Naijeriya ji (á̱ ka ngyei Zwang Naijeriya-Byafra ji a̱ni).